الابل الشعير ناقع وحالها ردي

السلام عليكم ورحمة الله وبركاته

عندي الله يطول عماركم الابل شعيرها نااااقع في الحياض وحالها ردي ما من زود بين وكذلك الحشااايش ناقعة
وكذلك الخلفات حالها اردى واردى والعلف عند خشومها رااااهي
على فكرة الابل اكثر وقتها في الشبك عاررفين دهوووور وكسرر ظهووور

وش الحل يالربع

رد: الابل الشعير ناقع وحالها ردي

هلا يا ماجد نياقك والله اعلم فيها دود صومها يوم وعطها حبوب الدود على جوع وان حصل ابره جرب دكتوماكس الزرقاء وبعد اسبوعين كررها تراها وحده بوحده لديدان وراح تردم ابلك شحم بأذن الله وتشوف ما يسرك

رد: الابل الشعير ناقع وحالها ردي

عطها حبوب دود وبعد اسبوعين كرره عليها واغسلها بالجاره

وعلق لها املاح المكعبات في الشبك وبأذن الله بتشوف التغير

رد: الابل الشعير ناقع وحالها ردي

اشكر الاخوان اللي ردوا لكن الابل تعدى 40 وشلون نعطيها حبوب الدود بعضها شرود وبعضها لقحات وصعيبة شوووي علينا
ما في علاج للمررض هذا
وهل هو يكثر في الحلال والا بس عندنا لاني اعررف اذا العلف راهي عند الابل تسمن لكن اباعرنا لها اكثر من 6 شهور ولابان فيها زود بالعكس على حااالها
الشعير يجي الصبح وهو في الحيااض
والملح الابيض نعطيها لانها تحبه اكثر من حق الصيدليات
وش الحل يالربع

رد: الابل الشعير ناقع وحالها ردي

اشكر الاخوان اللي ردوا لكن الابل تعدى 40 وشلون نعطيها حبوب الدود بعضها شرود وبعضها لقحات وصعيبة شوووي علينا
ما في علاج للمررض هذا
وهل هو يكثر في الحلال والا بس عندنا لاني اعررف اذا العلف راهي عند الابل تسمن لكن اباعرنا لها اكثر من 6 شهور ولابان فيها زود بالعكس على حااالها
الشعير يجي الصبح وهو في الحيااض
والملح الابيض نعطيها لانها تحبه اكثر من حق الصيدليات
وش الحل يالربع

فيه شراب للدود يضاف مع الماء عطها منه وأستشر البيطري بالكمية والسلبيات قبل ذلك وبالنسبة للحبوب تقدر تحطها بلقم عجين ولا انصح بأعطاء المعاشير لكن اللقحات من واقع تجربه ما تضرهن الحبوب بأذن الله 3 حبات لكل ناقه وكررها بعد اسبوعين ولكن جرب ابره الجرب الدكتوماكس الزرقاء في كم ناقه على جرعتين وشوف النتيجة ترها مثل ما قلتلك وحده بوحده للديدان وانا من وجهه نظري ان نياقك فيها دود 100%

رد: الابل الشعير ناقع وحالها ردي

الاخ ماجد حياك الله انت ولاخوان ابلك عطها ابر هيام

رد: الابل الشعير ناقع وحالها ردي

ارحب ياماجد
http://www.mzayan.com/vb/showthread.php?t=45691

رد: الابل الشعير ناقع وحالها ردي

السلام عليكم ورحمة الله وبركاته

كلام الربع كله وافي..
من رائي اول شي حاول تغير مكان الشبوك اوتنظيفها وخل الخلفات في شبك واللقاح في شبك والعجوم والحيل شبك للترتيب وكلن طعامه بلحاله وتاكد من نظافه الاحواض وعط الابل كلها ابر جرب الزرق مثل ما تفضلوا الاخوان لانها مفيده ولاتضر والمفروض انها تكون علاج دوري كل سنه اول ماتوللد الابل تعطا هاذي الابر..وعطها ملح لانها ماتسرح ..واغسل الابل

الخلفات .. عطها ابر الجرب وعطها بعد ابر هيام و10 ايام لا يشرب من حليبها وطعامها يكون الظهر شوار والمغرب شعير مجروش من غير الحشايش خلها معبيه الاحواض 24 ساعه

وخلك على هذا الطريقه بس شهر وشف وقع الابل ...

واذا تبي شي غير طبيعي اقصد شحم < اخلط مقدار طاسه وحده طحين مع الشوار بالتدريج لغير الخلفات وادع لي

والله يبارك للجميع في حلاله ..

رد: الابل الشعير ناقع وحالها ردي

ما دامها فوق 40

اشير عليك فك شبكها وامش معها

الربيع غرب وجنوب

وثلاث اشهر وابشر بالخير

واذا عندك عاملين زد عليهم ثالث


وذمني وامدحني


صح فيها كلافه بس الابل بتستانس



شوف وانا اخوك

جب لك ضب وحطه عندك في البيت

وحط عنده من انعام ربي شف هو بيسمن او بيهلك

والحلال مثل الضب


تراني امزح معك

الله يسعدك دنيا وآخره ومن بيرد

رد: الابل الشعير ناقع وحالها ردي

ابلك فيها دود 100%

الحل جابه لك السحيمي