من نفع المسلمين الله يوفقه ويرزقه

السلام عليكم ورحمة الله وبركاته
يالربع عندي خلفه وجاها جرب وعطيتها ابرة جرب امريكيه البنيه
ثلاث مرات بعد كل عشر ايام ولانفعت فارجو من لديه علاج فعال للجرب
ومفعوله سريع لايبخل لانه في زياده

رد: من نفع المسلمين الله يوفقه ويرزقه

ارحب يامنصور ان شاء الله انه باري الجرب
والاوفميك الامريكي هو الاجود في قائمة الادويه الجلديه
وهالوقت البل تبدل في وبرتها
وبكل الحالات استخدام الجاره بشكل دوري للابل والاحواش كوقايه
تقبل مروري

رد: من نفع المسلمين الله يوفقه ويرزقه

جرب الدكتومكس الزرقاء

رد: من نفع المسلمين الله يوفقه ويرزقه

ارحب يا منصور أبره الجرب اللي استخدمتها مثل ما قالك ابو صالح من افضل الانواع وتجي بعدها ابره الدكتوماكس الزرقاء والمفروض تكون الجرعة على دفعتين والفاصل بينهم 15 يوم انا ودي اعرف الجرعة اللي استخدمتها كم في كل مره وبنصحك انك تحك مكان الجرب بجره مخففه بموية وملح لما يطلع الدم بعد ذلك تطلي مكان الجرب بزيت محروق اومرهم الكبريت وتغيير المراح شي مهم أن امكن .

رد: من نفع المسلمين الله يوفقه ويرزقه

اشكر الجميع علي الرد ومشكورين والله يجزاكم كل خير
اخوي بندر الجرعه 20مل بعد كل 10ايام ولاكن اعتقد انها ماصابت
فمدري هذي الابر تحت الجلد ياالربع لاني ادق في الصلا وين احسن مكان

رد: من نفع المسلمين الله يوفقه ويرزقه

اشكر الجميع علي الرد ومشكورين والله يجزاكم كل خير
اخوي بندر الجرعه 20مل بعد كل 10ايام ولاكن اعتقد انها ماصابت
فمدري هذي الابر تحت الجلد ياالربع لاني ادق في الصلا وين احسن مكان

هلا يا منصور 20 مل مناسب على دفعتين ( بينهم 15 يوم ) كافي والابره اللي استخدمتها انت تستخدم تحت الجلد فقط لكن من الافضل انك اذا دقيت الناقه ابره امريكيه في المره الاولى انك تغير النوع في المره الثانيه يعني دكتوماكس (جلد او لحم) ومثل ماقلتلك الجرب لا تمكن يبيله وقت حاول تغسل مكان الجرب بجره مخلوطة بمويه وشوي ملح وتحك مكان الجرب بخيشه بصل وبعدين تطلاه بمرهم كبريت او زيت محروق وتعيد هالعمليه بعد اسبوع وان شاء الله تشوف ما يسرك والناقه لا عاد تضربها ابر خلاص 3 مرات واجد عليها .

رد: من نفع المسلمين الله يوفقه ويرزقه

كلامك عين الصواب يابندر وبيض الله وجهك وهي مجربه عندي

يامنصور اليامي أصبر وتشوف النتيجه وما تشوف شر

تحياتي