عاجل ارجو الدخول

السلام عليكم ورحمة الله وبركاته


يالربع عندي خلفه تغيرت علي من اسبوع اكلها قل

وحليبها مايروي ولدها ومن قبل كانت تروي ولدها ووراها نشرب حنا

وصار فيها هزل واذا سرحن البل ما تبعد عن الشبك

وش السواه يالربع ؟؟؟؟؟؟؟

رد: عاجل ارجو الدخول

الاحتمالات كثيره احتمال يكون دود او بداية هيام والله اعلم لكن اعتقد لو استخدمت علاج الدود وعلاج الهيام ان شاء الله مامنهن ضرر والاخوان يفيدونك اكثر

رد: عاجل ارجو الدخول

اذا الناقة تكح فيها نحاز ابره وينتهي ان شاء الله

رد: عاجل ارجو الدخول

العشار - النحاز - الشوكة - البشمة - كلها احتمالات وارده

تاكد من اعراض ناقتك وبيفيدوونك الاخوان

رد: عاجل ارجو الدخول

الناقه مافيها قحه مافيها غير الي ذكرت لكم المشكله انقطع حليبها ماتملالها كاسه وبلشت بولدها

رد: عاجل ارجو الدخول

ابرة الهيام الفرنسيه cymelarsan علاج او وقايه
خفف البرسيم واستخدام الحشائش الاخرى
وعطنا علومها الايام القادمه

رد: عاجل ارجو الدخول

الاخ فارس بعد التحية
الناقة اشبك عليها وعطها ابرة الهيام وشراب الدود وافتح فمها وشف لهاتها واكرمها بالبرسيم وماتشوف شر

رد: عاجل ارجو الدخول

الناقه يمكن فيها حمام في لهاتها افتح فمها وتلقاه والا تلقى مثل مثل الصيد ويتدلا واليا كلت تقرطه بسنونها ويعورها ان لقيتها قطعها وحط ملح عليها 0والهيام والدود وارد

رد: عاجل ارجو الدخول

مع كلام الاخ تميم أفتح فم الناقه فتشها من الهدب ( الحمام) والله اعلم ان هذا بلاها وبالنسبة لأبره الهيام ترى اذا مانفعت ماضرت .

رد: عاجل ارجو الدخول

هلا اخوي فارس
الناقة اذا ما تاكل وضعيفة وتحس فيها حراره هذا نحاز ودق الابره بسرعه