وش الحل مع الطرق الله لا يهينكم

صبحكم الله بالخير جميعا

وش الحل يالربع عندي بكرتين عمارهن على سته شهور تقريبا جا فيهن طرق وحده لها حول شهرين و جاني رجال وكواها ولا نفع والثانيه لها حول عشرة ايام و رحت للبيطري وعطاني ابره مضاده للالتهاب يقول هذي ممتازه وتكفي وعطيتها مرتين كل اربعه ايام مره ولا تغير شي بالعكس زاد شوي

اللي عنده حل يالربع مجرب ومضمون يفيدنا الله يجزاكم خير جميعا

رد: وش الحل مع الطرق الله لا يهينكم

الطرق علاجه الكوي شف لك واحد فاهم
اذا بادرته يطيب ان شاء الله

رد: وش الحل مع الطرق الله لا يهينكم

الاوله المفروده

اولا عطها حبوب نحاس كل اسبوع 3 حبات

ثانيا واعزلها في شبك صغير 3 في 3 او اصغر وارضه صلبه شوي لمدة شهرين

ثالثا خف عليها الطعام والرضاعه ان كانها بدين وعليها شحم

ولا يحتاجن كوي

اما الحواره الصغيره

اولا فعطها حبوب نحاس حبه كل اسبوع

ثانيا عطها دواء ليان ورخاوه وفيتامين خمسه سنت كل يوم لمدة خمس ايام

وبتحسن ان شاء الله وكل هاذي تجارب عملتها وليست وصفات افتراضيه والله ينفعك بها

رد: وش الحل مع الطرق الله لا يهينكم

ازيد على الاخوان
القيد طقهن بالقياد
الله يفك عوقهن

رد: وش الحل مع الطرق الله لا يهينكم

مامثل حبوب النحاس والقيد


الحل الامثل داوم اسبوعياً على حبوب النحاس كل اسبوع وشفلها ارض صلبه وقيدها وخلها فيه ولاتخلي القيد طويل


ولا يكثر عليها الحليب حاول تخففه



وبتشوف التحسن بأذن الله

رد: وش الحل مع الطرق الله لا يهينكم

الاوله المفروده

اولا عطها حبوب نحاس كل اسبوع 3 حبات

ثانيا واعزلها في شبك صغير 3 في 3 او اصغر وارضه صلبه شوي لمدة شهرين

ثالثا خف عليها الطعام والرضاعه ان كانها بدين وعليها شحم

ولا يحتاجن كوي

اما الحواره الصغيره

اولا فعطها حبوب نحاس حبه كل اسبوع

ثانيا عطها دواء ليان ورخاوه وفيتامين خمسه سنت كل يوم لمدة خمس ايام

وبتحسن ان شاء الله وكل هاذي تجارب عملتها وليست وصفات افتراضيه والله ينفعك بها

كلام سليم 100% وأضيف على هالكلام للبكره الاولى القيد

رد: وش الحل مع الطرق الله لا يهينكم

بعد التحية للجميع
افضل شي الكوي وتسرحة مع الابل ويقلل العلف ليخف وزنة وحبوب النحاس جربتها في اكثر من قعود ولا نفع الا الله ثم الكوي واذا مانفعت الكوية الاولى جرب مرة ثانية وقلل العلف

رد: وش الحل مع الطرق الله لا يهينكم

الله يعطيكم العافيه جميعا
واعذروني على التاخير دخولي للنت قليل

بالنسبه للكوي كويت وحده ولا فاد فيها والثانيه والله ما تطببت فيها لانها غاليه عندي بالحيل وعسى الله يفكها

رد: وش الحل مع الطرق الله لا يهينكم

من الأخطاء الشائعه في اللين الكوي دون السنه وهذا خطاء
عزلها في شبك واستخدام حبوب النحاس الهولنديه بانتظام
التركيز على قوالب الأملاح الون الأزرق لكثرة عنصر النحاس فيها
وبعد ايام تشوف الفرق
اما الكوي فهو للحالات المستعصيه وللمفروده وطالع
تقبل مروري

رد: وش الحل مع الطرق الله لا يهينكم

قيد بكارك وعطها العلاج اللي قالك الدكتور
القيد هو العلاج من بعد الله بس لازم تصبر عليها مده لين تطيب
وقصر القيد لا يكون طويل ... عندي حواره شتويه جاها الطرق وقيدنها اسوعين وطابت والحين هي جذعه ما فيه اللى العافيه

رد: وش الحل مع الطرق الله لا يهينكم

الله يعطيكم العافيه جميعا

رد: وش الحل مع الطرق الله لا يهينكم

اخونا خالد الفالح كلامه صحيح
وانا مجرب مدام الحشوان عادها ماكملت سنه لاتكويها خلها في ارض صلبه وعطها حبوب نحاس وحاول انها ماتقرب القاع الثقيله

رد: وش الحل مع الطرق الله لا يهينكم

طيب وإذا كان الطرق ماظي بالناقة يعني هي الحين سنها رباع وفيها الطرق هل لها علاج؟؟؟؟

رد: وش الحل مع الطرق الله لا يهينكم

هلا بك ناصر وان شاءالله يفيدونك الشباب
لكن حسب علمي ما فيها فايده

رد: وش الحل مع الطرق الله لا يهينكم

للاسف كلام الاخوان غلط في غلط ولهدرجة محد مر عليه الطرق ولا يعرفه
ياخوان اول شي هذا جاي نتيجة شي واحد ماله ثاني سبب وحيد لا حبوب نحاس ولا غيره من الخرابيط
الطرق تعريفه لين من الركبة
العلاج :بودرة كالسيوم امريكية يوميان فنجان كالسيوم وتنحط في ارظ صلبة ولاحد يقولك غير هذا واتحدى اذا له علاج غيره مدة عشرين يوم ويفضل اعطا زيت سمسم كل 3 ايام 300 مل