نبي حل لمشكلة الحوار

جاءعني حوار اخذ اسبوع ماقام بس اغره بالمرضعه بعد الاسبوع قام فيه ليان في يديه
ورجليه ولايمشى بس شوي ويبرك ولايرضع امه تحس ان لحيه رخو وللحين بالمرضعه
وصار يرضع المرضعه زين وعمره الحين شهر وش الدواء الفيد له وليان معه مع ان بروكه
ومقامه عادي

رد: نبي حل لمشكلة الحوار

ارحب يا منصور فهمت من كلامك ان عمره شهر وللحين ما يرضع من امه زين هذا الرضاعه خربته تعود عليها عموما اذا الحوار في رخاوه ولا يمشي زين عطه علاج الرخاوه ( اي سلينيوم ) لمده 5 ايام اول جرعه 3 مل باللحم ابره والجرعات الاخرى 5 مل بالفم وعطه حبه نحاس الحجم الصغير او ابره نحاس B+12 مقدار 1 مل لمره واحده فقط ويفضل انك تعطي امه 3 حبات نحاس الحجم الكبير وتعيد عليها بعد اسبوع وانتبه للحوار لا يكون عاكم من كثر الحليب.

رد: نبي حل لمشكلة الحوار

الاخ منصور بعد التحية
اذا جيت ترضعة قرب الرضاعة من ديد امة شوي وحط على خلوف امة سكر حتى يعلق بالديد والرضاعة هي اللي كسلت عضلات فم الحوار

رد: نبي حل لمشكلة الحوار

كان عند الشايب قبل العام حوار فيه هالمشكلة
ليان باليدين
كواه الشايب عند يديه مع مفاصلة لكن بالضبط م ادري
لكن استشر الشيبان طريقة الكوي وحطه ب مكان قاسي
كان تعرف الحصى الابيض ترى بيفيده كثير
والحوار الي كواه الشايب الان موجود وهو حق ولا يشتكي من اي مشكلة لكن له سنه ونص يمكن والى الان على الحصى الابيض
اتمنى اني افدتك
وفقت

رد: نبي حل لمشكلة الحوار

اشكر الاخوان
بندر
حمد
محمد
على ردودهم