من عنده الجواب الشافي

اولاعندي ناقه اذا جت تبرك ترتعش رجولها وتاخذ من 10 الى 15 ثانيه عشان تبرك الناقه تقوم طبيعي وتاكل وتروح وتمشي طبيعي بس المشكله في البروك مدري وش الحل معها مع العلم ان ديودها كبار واعتقد ماهي من الديود

ثانيا
عندي ناقه توني شاريها حلبتها عند راعيها الاول حليبها ماشاء الله ويوم جبتها عندي قل حليبها مع العلم انه يطعمها نخال وانا اطعمها برسيم وقصب وتروح مع البل وتجي ولها عندي اسبوع ولدها عمره 3 شهور
هل اختلاف الطعام والمكان له دور

ابشر بسعدك يابوشعيل لكن شرط تتابع معنا وتعلمنا بالنتائج
الاوله عطها ابرة B COMPLEX عشره ملي بالعضل لمدة اسبوع وفيتامين E-SELENIUM سائل او بودره او ابره اللي تجده اقل مده ثلاث ابر والسائل او البودره لو طول احسن

الثانيه اتوقع ان تكون مشبوكه ومطعومه افضل لدى مالكها الاول ومثل ماقلت السبب الطعام والمكان

هذا رأيي والاخوان يفيدونك

تقبل تحياتي

الاخ بدر الناقه فيها ذيبه واتبع ما قاله الاخ عيد
النقل والناقه اذا لقحت يقل حليبها
اخوك

تفصيل

بيض الله وجيهكم ياخوان على مروركم
وشاكر لكم الرد وراح ابدأالعلاج واخبركم بالنتائج

بس الابر اوالعلاج ما قلتلي كم مره في اليوم


اي طريقة العلاج بالنسبه للسوائل اوالحبوب او الابر ومتى اتوقف عنه

اخوي بدر

أسآل البيطري عن العلاج هو كم مره في اليووووم ومتى تتوقف عنه

وان شاء الله تشفى مطيتك

لك تحيآتي

أخوكـ / ماجد العنزي

بسم الله الرحمن الرحيم


بالنسبه للسؤال الاول الاخوان ما قصرو وياك

وبالنسبه للسؤال الثاني
نعم المكان له دور
والناقه ممكن يقل حليبها وما فيه رغاه وحالها يشين واكلها يخف .
وومكن الناقه انصابت بالهيام .
وانت جرب عطها ابرة هيام فرنسيه وحبوب الدود وشوف الناقه بعد كم يوم اشلون حالها .

شكرا اخوي محمد على مرورك الناقه حالها زين وتاكل ومافيها الا العافيه بس الحليب مافيه رغاه ونقص شوي مع اني اطعمها برسيم وقصب وشعير مجروش
والشبك مفتوح تروح وتجي على كيفها مع الابل بس الغريب ان الحليب قل مدري النخال له دور لان راعيها الاول معودها على النخال عموما باجرب معها النخال واردلكم

اما لانسبه للناقه الاولى بكره يبدا العلاج وراح اخبركم بالنتائج وشاكر ومقدر لجميع الاخوان

الأخ ابو شعيل

السلام عليكم ورحمة الله وبركاته

بالنسبة للناقة الأولية فأنا اضم صوتي لصوت اخوي عيد فالعلاج اللي وصفه لك انا مجربه شخصيا وبفضل من الله تعالى تم شفاء الناقة المصابة عندي .

أما الناقة الثانية فما فيه شك بأن تغيير المكان والأكل للناقة له تأثير عليها والنخال له دور في زيادة الحليب .

ودمت بود
أخوكم
عبدالعزيز العبدالله

شكرا اخوي عبدالعزيز