القعود مايسمن

السلام عليكم ورحمة الله وبركاته

كيف الحال

عندي مشكلة

قعود عندي ياكل ولا ياسمن مع ذالك انا حاطه في شبك لايسرح

ولاشي ولا استفدت شي القعود على حاله ماسمن

وش الحل ؟.

رد: القعود مايسمن

السلام عليكم ورحمة الله وبركاته

كيف الحال

عندي مشكلة

قعود عندي ياكل ولا ياسمن مع ذالك انا حاطه في شبك لايسرح

ولاشي ولا استفدت شي القعود على حاله ماسمن

وش الحل ؟.

وعليكم السلام ورحمة الله وبركاته
1 - عط القعود ابرة دود وعيدها عليه بعد 14 يوم
2 - عطه مكعب
3- لاتقطع البرسيم منه خله ناقع عنده
4 - وخله يسرح مع اماته واذا عود اعزله في شبكه
وباذن الله اقل من شهر ويبين

رد: القعود مايسمن

القعود فيه غش والغش دواه السمن العداني كل جمعه عطه غرشه فيمتو لمده شهر وشوف النتيجه بعدين .

رد: القعود مايسمن

اخ سعيد وش السمن العداني وإذا القعود مفرود غرشة فيمتو ولااقلل منها

رد: القعود مايسمن

حبتين دود كل اسبوعين
انقع البرسيم مخلوط بتبن والشعير المجروش مفيد جداً
تقبل مروري

رد: القعود مايسمن

اخوي سعود انا عندي بعير نفس المشكله لاكن الحل وده مستشفى الاحساء بتشوف تغير لا تتعب كل واحد بيصرف لك من عنده دواء مار اح ينفع لا كن لا تتاخر على القعود وده المستشفى عندهم فحص دم ودكاتره صح وشكرا

رد: القعود مايسمن

مثل ماقال ابو صالح عطه حبوب دود او ابره جرب دكتوماكس البرازيليه وكررها بعد اسبوعين تراه للديدان وحده بوحده وخصوصا الجرعه الثانيه

رد: القعود مايسمن

لايكون القعود عر خلقه بعض الحلال عر عندي بكره عرا اخوها العام سمين والبكره عرا سنامها قصير والعلف ناقع برسيم +شعير+ذره+شعير ورق
خواتها سمان عطيتها ابره جرب 10سم ولافاد منهي حواره وهي على هالحال

رد: القعود مايسمن

ارحب يا سعود اذا مانفع معاه حبوب الدود وابره الجرب استخدم معاه سلفا ثلاثية مع الفم حسب ارشادات الطبيب واستخدم منشط للكبد اروكسين 10 مل لمده 5 ايام وماعليه خلاف بأذن الله