وش الــــــــــــــحـــــــــــــــل مع الــــــــــــبـــعيـــــرررر

الـــسلام عليـــكم

اخواني فيه بعيرر عند

احد الزملاء والبعيرر كفو لكن البعير مايقوم على ايديه

رجليه مافيها شي يقوم عليها لكن البلاء في ايديه

يمشي على الركب والبعير ياكل ومافيه شي والبعير ماهوب صغير

نبي الحل يالربع

رد: وش الــــــــــــــحـــــــــــــــل مع الــــــــــــبـــعيـــــرررر

كم له على هالحاله ؟
انا اتوقع ان البعير اصابته عين او ماشابة بحكم تجربة سابقه تختلف قليلا وهي ..
بعير لدى الوالد ماكان يقوم ابدا ابدا وبعد القرايه عليه وماء مقري و و و الكوي
فرج الله عليه وتعدل ولا طول ومات
عليك بالقراية على البعير وماء مقري وان عجزتو الكوي زين اتمنى اني افتدتك

رد: وش الــــــــــــــحـــــــــــــــل مع الــــــــــــبـــعيـــــرررر

عليكم السلام .........
الاخ مساعد يمكن البعير متوهن والله العالم لاكن خله يشوف واحد يكويه من عند مكان العقال مطرقين

رد: وش الــــــــــــــحـــــــــــــــل مع الــــــــــــبـــعيـــــرررر

كيف حالك مساعد
عمر البعير؟
ومن متى فيه الحاله؟
وان كان فيه صور يكون اوضح لتشخيص

رد: وش الــــــــــــــحـــــــــــــــل مع الــــــــــــبـــعيـــــرررر

عمر البعير؟
ومن متى فيه الحاله؟

رد: وش الــــــــــــــحـــــــــــــــل مع الــــــــــــبـــعيـــــرررر

بأنتظار إجابتك على إستفسارات الأخوان .......

رد: وش الــــــــــــــحـــــــــــــــل مع الــــــــــــبـــعيـــــرررر

وعليكم السلام

اسف على التاخيرر

البعير هرش وراعيه شاريه يبي يتطبب فيه والبعيرر قليل شكله

والمشكلة في اليد اليمنى يقول راعيه الاول جاء تفخ في الركبه وكوه والنفخ راح

والبعير طاح لاكن اكله زين ويحبي على ايديه والحاله لها شهرين تقريبا

وبعض الشيبان يقول العصب مرتخي وعلاجه في الاحساء ولاندري وش السواة اللحين

رد: وش الــــــــــــــحـــــــــــــــل مع الــــــــــــبـــعيـــــرررر

مساعد كلمني على جوالي

فيه واحد يكوي ان كان البعير في الرياض

وللاسف راعي دنيا ياخذ دراهم بكلمه اشوف مرت عليه الحاله ولا لا

رد: وش الــــــــــــــحـــــــــــــــل مع الــــــــــــبـــعيـــــرررر

هلاااا ابوخالد
فيه علاج بيطري أسمه B - COMPLEX
فيتامين مركب مفيد للأعصاب والمفاصل
يعطى على جرعات حسب الوصفة , جربوه معه وعسى الله يشفيه .
___________________________
[mark=#00FF00]
[/mark][mark=#00FF00]http://www.mzayan.com/vb/showthread.php?t=4708
[/mark]

رد: وش الــــــــــــــحـــــــــــــــل مع الــــــــــــبـــعيـــــرررر

أخوي مساعد ولا يهونون اخواني جميعا شف خف البعير أحتمال يكون متعرض لجرح قديم وأمتلاء صديد ودود اعزكم الله وترا كلية القصيم ماء شاء الله عليهم جيدين بالفحص