بعير اعمى

بعير أعمى
السلام عليكم ورحمة الله وبر كاته

عندي بعير مجهم جذع ماعاد يشوف من عيونه الثنتين اريد معرفة العلاج لوتكرمتوا وجزاكم الله خير

رد: بعير اعمى

له علاج الكوي على المعذر او تحته بشي بسيط بس شف لك بدوي متخصص والله يدبرلك الزين

رد: بعير اعمى

وعليكم السلام يا ابو حسن ... الله يشفي بعيرك ويبارك لك .. انصحك اترك الكي اخر العلاج ..

عندي بعير شريته اعمى وعالجته بأبر ومراهم عيون والحين قام يشوف وان شاء الله مسألة وقت ويطيب ..

الليله باخذ اسماء العلاجات وبكره بارسلها لك
وللعلم غالبا العمى يسببه النقص الحاد في فيتامين أ

رد: بعير اعمى

مرحبا بالاخ سالم انا اوافق الاخ ممدوح الشريف خل الكوي اخر شي
انا عميت عندي ناقه من اخيار الابل
وقالو مالها لا الكوي وجاني واحد من الربع وقال في الصيدليه عصار(مرهم) للعيون وباشرها به يومين بس قبل ماتحط المرهم اغسل العين بالماء ومامر عليها سبوعين الا هي سلم بامر الله وبريت وهذهي تروح وتجي مابها لون

رد: بعير اعمى

شاكر لكم رددودكم القيمه وبارك الله فيكم ماقصرتوا وبانتظار ردك يأخ ممدوح

رد: بعير اعمى

العين هو لونها ابيض

رد: بعير اعمى

السلام عليكم ورحمة الله وبركاته
ان كان سواد العين ابيض اغسل العين وافتح جفن العين وعبها سكر ناعم اليوم وبعدها بتشوف تحسن عدها بعد ثلاث ايام قبل المراهم
نقص فتامين أ

رد: بعير اعمى

العين كانت بيضاء وبعدين حولت سوداءالدكتور يقول الشبكية وعطاني فيتامين أ وقال استخدمه كل خمسة أيام + مرهم

رد: بعير اعمى

اذا كانت العين بيضاء فيه مرهم خاص لها وانا احصلت عندي المشكله اكثر من حاله واستخدمت مرهم حق النزر والحمدلله شفت
وفيه طريقه ثانيه ناجحه اذا مانفع المرهم جب لك فحم مع ملح قليل ودق الفحم الى ماينطحن زين وحطه بالعين مجرب بقوووووه

رد: بعير اعمى

ابرة دفيدري جت + فيتامين a لمدة خمسة ايام ومجربه ان كانه توه منعمي ماله مده طويله

رد: بعير اعمى

مشكورين وجزاكم الله خير وبجرب أولاً العلاج الطبي

رد: بعير اعمى

السلام عليكم ... انا استخدمت هذا الدوى وبحمد الله تحسن البعير شوي .. ولو يستخدم بداية العمى بعون الله انه يطيب

مركز تحميل