الخلفه لها ثلاث ايام تطرش

يالربع ما اعطيها الا برسيم ومعها اربع خلفات هي لحالها اللي اليا اكلت قامت تطرش عطوني ما عندكم يالنشاما 0

رد: الخلفه لها ثلاث ايام تطرش

يمكن منغثه

ماتزوع الى المنغثه

رد: الخلفه لها ثلاث ايام تطرش

مرحبا اخوي تميم ناشب شيئ في حلقها اما عود او ورق البرسيم عطها 4 لقوم طحين عساه يلقطه .

رد: الخلفه لها ثلاث ايام تطرش

ارحب ياتميم
امرها سهل باذن الله
ابي انشدك عن بعض الامور
1-اكلها في الشعير شلونه؟
2-هل يخف طراشها اذا كلت غير البرسيم؟
3- وطراشها بعد الاكل بدقايق او على طول؟
خلها هالاسبوع على وضعها ولاتعطيها اي علاج
وانا ارجح انه مرض يسمى الغصه او يسمى عند البعض الريشه
انا بتابع موضوعك وانتظر الاجابات
تقبل مروري

رد: الخلفه لها ثلاث ايام تطرش

مغتبطه
يمكن حد عطاها خبز عفن

رد: الخلفه لها ثلاث ايام تطرش

يمكن منغثه

ماتزوع الى المنغثه

مرحبا سالم ما هي غثه المنغثه تجضع وهذي ما تجضع 0 شاكر مرورك

رد: الخلفه لها ثلاث ايام تطرش

مرحبا اخوي تميم ناشب شيئ في حلقها اما عود او ورق البرسيم عطها 4 لقوم طحين عساه يلقطه .

هلابك محمد كلامك ياقربه وابشوف واعلمكم تحياتي

رد: الخلفه لها ثلاث ايام تطرش

ارحب ياتميم
امرها سهل باذن الله
ابي انشدك عن بعض الامور
1-اكلها في الشعير شلونه؟
2-هل يخف طراشها اذا كلت غير البرسيم؟
3- وطراشها بعد الاكل بدقايق او على طول؟
خلها هالاسبوع على وضعها ولاتعطيها اي علاج
وانا ارجح انه مرض يسمى الغصه او يسمى عند البعض الريشه
انا بتابع موضوعك وانتظر الاجابات
تقبل مروري

مرحبا ياحزامي الله يسهل امورك كلها بالنسبه للناقه ماتاكل الا برسيم فقط وطراشها وهي تاكل وتطرش شوي وتعود تاكل العلم يامحمد وتاخذ يومين ولا تطرش ثم يعود لها الناقه ما تدمن واجد وانسل حالها وسنامها رادم مير بطنها خافق وشواكلها ووبرتها شانت لها اسبوع محمد يا محمد

رد: الخلفه لها ثلاث ايام تطرش

مرحبتين ياتميم وجعل حلالك مايشوف شر
الناقه مرضها الغصه وان شاء الله سهل علاجه
والعلاج كيه تحت الفك(البلعوم) مثل ماهو موضح بالصور
ولاتعطيها اي علاج والاكتفى بالكوي
انا متابع للموضوع وعلمني عن اي مستجدات اواستفسارات

رد: الخلفه لها ثلاث ايام تطرش

بعد التحية للجميع
هذي صارت عندي وهي تقرحات في البلعوم وعلاجها تعطيها مكعب او نخال في ماء علشان يساعد ع البلع وتعطيها اي علاج للنحاز واسبوع ان شاء الله وتسلم

رد: الخلفه لها ثلاث ايام تطرش

ان ما خاب ضني ناقتك عندها دود في بطنها
عطها شراب الدود على الريق
ومارية صحة كلامي انها ما تطرش الا اذا كلت حشايش برسيم والا ذرة والا رودس لكن الشعير والمكعب ما تخالف معه
عطها شراب الدود والله الله في الغالي سعره فيه

رد: الخلفه لها ثلاث ايام تطرش

مرحبتين ياتميم وجعل حلالك مايشوف شر
الناقه مرضها الغصه وان شاء الله سهل علاجه
والعلاج كيه تحت الفك(البلعوم) مثل ماهو موضح بالصور
ولاتعطيها اي علاج والاكتفى بالكوي
انا متابع للموضوع وعلمني عن اي مستجدات اواستفسارات

اشكرك بعنف على الدقه فالتصوير جعله في موازين حسناتك عطني يومين وارد لك وللجميع للفايده

رد: الخلفه لها ثلاث ايام تطرش

بعد التحية للجميع
هذي صارت عندي وهي تقرحات في البلعوم وعلاجها تعطيها مكعب او نخال في ماء علشان يساعد ع البلع وتعطيها اي علاج للنحاز واسبوع ان شاء الله وتسلم

هلا هلا يا حمد قد عطيته ابرة نحاز اول الوقت ما سوت شي والمكعب والشعير ماتلتفت فيه تبي برسيم وتبي حشايش بس هذي رغبتها حتى الخبز من اول اجيب معي خبيزات واقارد للبل واحك لها وتجيني تلعب والحين ما تبيه تشمه وتصد 0 وعلاجك علمني قصيرن لي عتيبي شايب وقال عطها نخاله اسبوع وجبته وعيت تاكله كلته البل وخلتها 0 شاكر مرورك ولا نستغني عنك يالذيب تعجبني ردودك جدا 0

رد: الخلفه لها ثلاث ايام تطرش

ان ما خاب ضني ناقتك عندها دود في بطنها
عطها شراب الدود على الريق
ومارية صحة كلامي انها ما تطرش الا اذا كلت حشايش برسيم والا ذرة والا رودس لكن الشعير والمكعب ما تخالف معه
عطها شراب الدود والله الله في الغالي سعره فيه

مرحبا يا صبي يام عطيتها حبوب شراب ماجربته لكن الدود ما يخليها تطرش يسم حالها بلاها مثل قول الاخوان اما في البلعوم والا في بطنها عفن ولا تهظم والله اعلم

رد: الخلفه لها ثلاث ايام تطرش

ممكن وصفلنا شكل الكي انا ماني شايفها زين يامحمد الوهبي التميمي وبشرونا عن الناقه