البكره الثانيه الله لايوريكم ها لمرض

عندي بكره يالربع عمرها اربع شهوروحلتها زينه واليوم وهي ماشيه طاحت على جنبها وترافص لمده عشر دقايق وماتت والله انها احسن البكار وللمعلوميه تراها الثانيه نفس الطريقه الي عنده علاج يعلمنا جزاكم الله خير

رد: البكره الثانيه الله لايوريكم ها لمرض

ارحب ياتركي
البكره مقروصه وانتبه لمخابى الهوام بالشبك وخارج الشبك
تقبل مروري

رد: البكره الثانيه الله لايوريكم ها لمرض

ونعم الله يرحم والديك بس هاذي الثانيه لاهنت ولازبد فمها

رد: البكره الثانيه الله لايوريكم ها لمرض

مافيه الا ان جايك واحد مقرود

رد: البكره الثانيه الله لايوريكم ها لمرض

مثل ماقال اخوي سالم
جايك واحدن ماذكر ربه وطرح الثنتين

وعليك بالورد (الاذكار )

رد: البكره الثانيه الله لايوريكم ها لمرض

احتمال يكون تسمم بسبب أعلاف فاسدة

او مرض الطير وهو عبارة عن نقص فيتامين B1

رد: البكره الثانيه الله لايوريكم ها لمرض

اسأل الله ان لا يخسر عليك ويعوضك خيرا من اللي راح رايي توقف العلف اللي تستخدمة حالاً أحتمال البلى من العلف

رد: البكره الثانيه الله لايوريكم ها لمرض

الأخ/ تركي هذا الإلتهاب الرئوي عند السنه ثلاث موتن موت مفاجي مثل السكتة القلبية
مر على البيطري ووصف له الحالة وسوف يعطيك إبر وطعم الإبل كلها

رد: البكره الثانيه الله لايوريكم ها لمرض

يا اخواني هذا وصف عندنا وقد كلمنا واحد من الاخوان ..


هذي يسمونها على حسب كلام الدكتور العضله البيضاء .. وتجي في القلب والاعصاب وتقلب لونها من الحمره للبياض لدرجه انها لاوكسيجين ما يوصل للقلب ولا لباقي الاعضاء ..

وفيه ابره تحمل المواد المطلوبه .. واهم شي الاي سيلينيوم ...


لو يحضرني اسم الابره كان نفعتك وياها .. تراها مهمه تعطيها الحشاوين 5 مل لكل حاشي ..

وبعون الله بتكون بخير

رد: البكره الثانيه الله لايوريكم ها لمرض

طلع الدكتور وخله يشرحها ويبين لك السبب

الله يعوض علينا و عليك

رد: البكره الثانيه الله لايوريكم ها لمرض

الله يجزاكم عنا خير ومشكورين وماقصرتو والله يكثرمن امثالكم
الي عنده اسم الابره يعلمنا بيها ........

رد: البكره الثانيه الله لايوريكم ها لمرض

هذا نقص السلينيوم وهو قاتل خفي SILENT KILLER لاتشعر به الا والحيوان المصاب طايح ولديه صعوبه بالتنفس

ثم يموت خاصه بعد مجهود بسيط العلاج ابر اي سيلينيوم E SELENIUM

رد: البكره الثانيه الله لايوريكم ها لمرض

مشكور ياخ عيد ودايم سباق للطيب متى وقت طق الابره هل اطعم الحيران كلها او الي شاك فيها

رد: البكره الثانيه الله لايوريكم ها لمرض

فيه ابره سبق وكتبت عنها ولكن ماعرف وين اختفى الرابط المهم اسمها stress vitam تسحب منها عشره وتغر الحوار بين فتره واخرى
تنفع الحيران من كل النواحي

ولحيرانك يجب تعطيهم ابرة اي سيلينيوم ولو لمره واحده وبعدها تعطيهم stress vitam وهي من انتاج vetiquinol

رد: البكره الثانيه الله لايوريكم ها لمرض

وهذي الابره ياللي انا شخصيا استخدمها للحشاوين عندي وهيه ممتازه جدا .. واعطي 3-5 مل للصغار والكبار من 6-8 مل