ياهل الخبــــــره

السلام عليكم ورحمة الله وبركاته

الله لايهينكم نبي حل للمشكلــه

عندي ناقه سنها سديس وقد ولدة مره واحد فقط

والسنه الماضيه عرضتها للجمال ولا عشرة والهداد اللي طاف

عرضتها ولا عشرة وادخلت عليها بنفسي ولقيت رحمها متسكر

اول مره تمر علي هذي الحاله .وش الحـــــــل

رد: ياهل الخبــــــره

وعليكم السلام ورحمة الله
أرحب اخوووي فواز ..

كمل السالفة وانا أخوووك ( وادخلت عليها بنفسي ولقيت رحمها متسكر )
ثم وش سويت بالرحم المسكر ..؟

رد: ياهل الخبــــــره

حاولت افكه وما قدرت صطيت لها زيت زيتون مع حبه سوداء مطحونه و رب(تمر ممروس)

وبعدها بيوم اضربها الفحل والحين تم عليها 21 يوم ولا عشرت ولا عاد ادخلت عليها

وسلامتك

رد: ياهل الخبــــــره

وأنت سالم وغانم ,,,
بس أنت عندك الخبرة الكافية بأنك تنظف رحم الناقة .
وتعرف علتهاااا ..!!!

رد: ياهل الخبــــــره

العله الرحم متسكر انا اول مره يمر علي ناقه مثل كذا ((الناقه قد ولدة))

رد: ياهل الخبــــــره

[align=justify]
الأخ فواز بعد التحية ريح راسك وأنا خوك ان كانت التاقة غالية عليك حملها لكلية القصيم البيطرية وياخذون لها اشعة ويعلمونك تلقح ماتلقح بأذن الله ولا جبلها مداوي شعبي يعرف للأدخال ويدخل على الناقة وينظفها ثم عقب عطاها كورس اسبوع بنسلين مفيد جدا للارحام بأذن الله وماتشوف شر ومن تحب
[/align]

رد: ياهل الخبــــــره

[align=justify]

الأخ فواز بعد التحية ريح راسك وأنا خوك ان كانت التاقة غالية عليك حملها لكلية القصيم البيطرية وياخذون لها اشعة ويعلمونك تلقح ماتلقح بأذن الله ولا جبلها مداوي شعبي يعرف للأدخال ويدخل على الناقة وينظفها ثم عقب عطاها كورس اسبوع بنسلين مفيد جدا للارحام بأذن الله وماتشوف شر ومن تحب

[/align]

الاخ بدر لاهنت
انا مدخل عليها لاجل التنضيف ولقيت الرحم متسكر دون الحافظه .
عموما ما قصرت

رد: ياهل الخبــــــره

الله يعينك ويوفقك

رد: ياهل الخبــــــره

ابرة الجسره تفتح الرحم بإذن الله هذا كلام الطبيب

عندي كم ناقه جبت لهن طبيب شعبي وادخل عليهن ولا فيهن فايده وعطيتهن مضاد مع ابرة رخاوة رحم واللي ما هي مجسر اعطيها ابرة جسره وبعد الضراب ابرة تثبيت والحمد لله تعاشرن بعضهن ثلاث سنين اضربها الجمال صيف وشتا ولا تعاشرن والحين الحمد لله

ارجوا اكون افدتك

رد: ياهل الخبــــــره

ابرة الجسره تفتح الرحم بإذن الله هذا كلام الطبيب

عندي كم ناقه جبت لهن طبيب شعبي وادخل عليهن ولا فيهن فايده وعطيتهن مضاد مع ابرة رخاوة رحم واللي ما هي مجسر اعطيها ابرة جسره وبعد الضراب ابرة تثبيت والحمد لله تعاشرن بعضهن ثلاث سنين اضربها الجمال صيف وشتا ولا تعاشرن والحين الحمد لله

ارجوا اكون افدتك

لاهنت يامتعب لاكن البل اللي قلتها فيه شي منها قد ولدة ..والطبيب الشعي يوم ادخل عليها وش قالك ..

رد: ياهل الخبــــــره

دامه متسكر الرحم

افضل شي الجامعه ولا طبيب شعبي

لان جدار الرحم حساس جداً

رد: ياهل الخبــــــره

علاجها بالجامعه ماهوعند الطبيب الشعبي شلون بيدخل عليها ورحمها مسكر