حب تحت الجلد

السلام عليكم ورحمة الله وبركاته

بارك الله فيكم

عندي بكره لقيه طالع فيها حب تحت الجلد على قد خرز السبحة الصغير في أفخاذها ومن قدام ديدنا على جوانب البطن


مع العلم انها لقحه لها شهرين


نأمل ألمساعده وجزاكم الله خير

رد: حب تحت الجلد

هل الناقة أكلها طبيعي وما لاحظت عليها آثار حرارة

لأن إحتمال الناقة فيها جدري

رد: حب تحت الجلد

الاخ عبدالرحمن بعد التحية
الناقة فيها الجدري (الباردة) عطها بنسلين ومخفض حرارة وهو معدي والناقة اللي قد جاها الجدري ماعاد يجيها ثاني مرة

رد: حب تحت الجلد

الامر سهل
ان عطيتها بنسلين ولا ايام ويختفي من حاله
والامراض الجلديه تكثر في هالتوقيت
وعليك متابعة الابل بالجاره المخففه وقت المساء من كل اسبوع
تقبل مروري

رد: حب تحت الجلد

الله العالم انه الجدري وانا أخوووووك ..
أعزل المطية الوجعانة ، تراه معدي وينتشر بشكل سريع
وعطها بنسلين وغاشيتها العافية بأذن الله

رد: حب تحت الجلد

بنسلين وخافض حرارره واعزلها

وواصل عليه ثلاث مرات

اخذ البنسلين طويل المفعول

رد: حب تحت الجلد

ياعبد الرحمن هذا ينقاله البارده وتراه معدي لازم تعزل الابل المصابه ولا بيمشي في الابل كلها
واذا همل مصيبه تورم الراس وتفطر السبال ويصيب بالعمي الله يدفع البلاء نوب يذبح
مر البيطري واخذ له ابره مخصصه للمرض

رد: حب تحت الجلد

بارك الله فيكم


ولا عدمناكم