تغيرالوبر

السلام عليكم يا اخوان
ادري ان هذه الايام جميع الابل تغير وبرها
ولكن عندي الفحل حت وبره بشكل غير طبيعي تقول واحد حلقه على الصفر
هل هذا عادي واذا مش طبيعي ويش السواه
الفحل حاله وسط وكنه ضاعف بس الراعي مقصر عليه الغلف وانا مدري عنه
الله يعطيكم العافيه

رد: تغيرالوبر

طبيعي
والسبب يرجع لمربط البعير وتعرضه للشمس بشكل مباشر
عكس باقي الابل تلقاها في ألفي وعكس أشعة الشمس وتكون تساقط الوبره اقل من البعير
الزمول اللي عندي موس موب صفر

رد: تغيرالوبر

الايام هي ايام الكنه قيض وبعض الابل تتطاير وبرتها تقول جايها جرب لاكن العلف لابد منه لزين الحال وللون الشعره وللهداد
وسلامتك

رد: تغيرالوبر

خذ حذرك لا تكون الناقة مجروبة و لو صورتها و عرضتها يكون أريح لخاطرك و الشباب ماهم مقصرين معك
و سلامتك

رد: تغيرالوبر

شكرا على ردودكم جميعا وجزاكم الله بخير

رد: تغيرالوبر

هلا يا منصور طبيعي جداً وانا مثل ما قال ابو صالح البعير عندي مو موس صفر

رد: تغيرالوبر

البل كلها تحت وبرتها في الصيف وهذا عادي الا ان تلاحظ خشونه في الجلد وتجعد او جروح فهذا قد يكون بداية جرب

رد: تغيرالوبر

شكرا على ردودكم جميعا وجزاكم الله بخير
وابشركم طلع وبر جديد وزان شكله