يالنششاما يالمطاليق المعشر مستدقه

اخواني اعضاء وزوار منتدى مزاين ..
اسعد الله مساكم وصباحكم بالنور والسرور..
عندي مجهم معشر لها 4 شهور ومستدقه دق اقشر
تقول بعير قافل وكنها سلق
اكلها موب الي انا خابر وعطيتها حق دوود وعطيتها ابر هيام قلت لاسمح الله
وعطيتها زيت عافيه ولا كتب لها شفاء
معشر برابعها وشاق نابها العام يمكن
وش رايكم يالمطاليق وش العلم

رد: يالنششاما يالمطاليق المعشر مستدقه

عطيتها ابرة نحاز
والافضل ياخوك تشخص لنا حالتها بالتفصيل

رد: يالنششاما يالمطاليق المعشر مستدقه

لها تفاسير كثير ع حسب حالة الناقة :
١- الجرح شف الناقة اذا تبرك ع جهه معيينه يعني ع شق ودمنها له راس مثل المسمار هذا جرح وله كوي مشط علي مخافق الكلي.
٢- الهيام ويبي لك إبرة فرنسيه وتعيدها عقب أسبوعين .
٣-دود ويبي لها حبوب دود ع الريق.
٤- جرب ويبي لها إبرة جرب.
٥- يمكن فيها ريشة او حمام يبي لها بخيص او دكتور شعبي يقطع ويبشط الهدب.
٦- خذ عينة من دمها ووده للمختبر للفحص.
وسلامتك ،،،

رد: يالنششاما يالمطاليق المعشر مستدقه

بأذن الله تشفى

وذيب ما قصر

شف الاخوه وش عندهم من خبره بهالامور .. والافضل تجيب لها طبيب يكشف عليها ..

رد: يالنششاما يالمطاليق المعشر مستدقه

ممكن احد يفيدني كيف ارسل تحليل لها ؟

رد: يالنششاما يالمطاليق المعشر مستدقه

فتش فم الناقه من الهدب وتأكد ان ما فيها علامة الجرح

رد: يالنششاما يالمطاليق المعشر مستدقه

يمكن جرح وتستطيع معرفته من خلال ملاحظة الاعراض التي وضحها الاخوان بعاليه