ضيق في عنق الرحم

اول شي ارحب بالجميع ثاتيا عندي ناقه شاريها سمين ولها سنتين حايل حاولت اتطبب فيها وعندي خبرة في ذلك وقد نجحت في عدة حالات ولاكن المشكله ان اليد تواجه صعوبه في الدخول للحافضه الكبيره الي عنده معرفه لايبخل علينا

رد: ضيق في عنق الرحم

هل ما زالت سمينه الناقه !؟؟؟

رد: ضيق في عنق الرحم

ارحب ياعبدالعزيز

فيه دكتور بالحسا اسمه الطيب لاكن رقمه ماهوبعندي

ان شاء الله الاخوان يفيدونك بالرقم

رد: ضيق في عنق الرحم

كيف حالك يالماجد
اذا انت حول مدينة الرياض أدلك على دكتور شعبي متمكن في الإدخال
لأكن فترة الصيف غير متواجد ولاهوب جاي الا بعد رمضان
تقبل مروري

رد: ضيق في عنق الرحم

اصبر عليها لشهر 10 ورى لين يجون الاطباء الشعبيين وشفلك اشهرهم بالادخال وجبه والله يرزقك منها ان شاء الله البكره الطيبه اللي تنومسك

رد: ضيق في عنق الرحم

اشكر كل من تجاوب مع الموضوع وهذا ليس بغريب منهم وموقعي قريب من الرياض

رد: ضيق في عنق الرحم

مدام انها سمين فصعب على الرجال يقدر يدخل عليها ونادر السمين اللي تعشر حتى لو ما فيها شي ,, انا اقول خف عليها الطعام لين تنقطع وشف لها رجال خبير يدخل عليها شهر شوال والله يوفقك

رد: ضيق في عنق الرحم

قيّد يديها شهرين حتى يخف الشحم وتنقص حالها وانشالله بتعشر

رد: ضيق في عنق الرحم

انصحك بالطب الحديث وخل عنك الشعبي

الاجهزة مطورة ويأخذون مسحة من الرحم لمعرفة وجود التهابات من عدمه
وبالسونار يكشفون على حجم المبايض والبويضه

والتكلفة رخيصة جداً واذا حبيت اعطيك الوصف راسلني على الخاص

رد: ضيق في عنق الرحم

مشكورين وما قصرتوا الاخ العزيز مسعود العماري كلمني على 0562283626

رد: ضيق في عنق الرحم

على كل حال فالناقة السمين الرادم يصعب لقاحها لان الفحل ما يشتشمل عليها ولايقدر يضفها ثم ان عسوبه حتى وان شاهدناه مستشمل لايصيد الجزء المهم في رحمها بسبب تكدس الشحم وضغطه على الجوافظ والحلق ، وفي حالات اخرى يكون السبب وجود التواء في نهاية الرحم وفي هذه الحالة لن يدخل العسوب واليد مالم يقلب ويعدل بواسطة خبير او بيطري شاطر