يالربع ناقه مزاين ماتلقح واتعبتني رايكم يهمني

يااخوان اسعد الله اوقاتكم انا شريت ناقه اليا الان ما القحت وضحي مزيونه دخلت رباع ماتلقح عدة مرات تبرك للفحل وبعد اسبوعين تشول ثلاث ايام وبعدها مافيه لقاح بدينه مشحم لابعد درجه كويتها عن السطح واعطيتها ابرت تنظيف وابرة يسره وكسرة عن خشومهاوهي حرام اني اتركها بدون ضراب تكفون من مرت علي تجربه ناجحه ارجو ان يفيدنا فيها وله تقديري

رد: يالربع ناقه مزاين ماتلقح واتعبتني رايكم يهمني

الحلول واجد
اولا . تعطيها ابرة جسره وبعد الضراب تعطيها ابرة تثبيت .
ثانيا . بعد الضراب تاخذ ملقاط وتحطه فالنار او حديده صخيفه وبعد ما يقوم عنها الفحل تكويها كيه صغير تحت سقفها بالعرض .
ثالثا . تشوف رجل خبير يدخل عليها ويشوف وش وضعها ( ورد لي )
ارجوا ان قد افدتك وهذا رقم جوالي بعد اذن الاداره 0554413708

رد: يالربع ناقه مزاين ماتلقح واتعبتني رايكم يهمني

مرحبا اخوي فهد
وش علاقة التطبب اللي سويته لها في امر اللقاح؟
ومتى ضربها البعير في اي تاريخ؟
فكها مع البل ولاهاجت البعارين جب لك بصير يدخل عليها ويقطع عنها وتكون جاهزه للبعير وتدقها بابرة التثبيت في ساعة الاضراب
بس ركز على علفها لايزود شحمها وخلها وسط
وان شاء الله الموسم القادم تعين خير
تقبل مروري

رد: يالربع ناقه مزاين ماتلقح واتعبتني رايكم يهمني

اخوي فهد مساك الله بالخير
أوالا: لابد ان يكون الرجل الي يقطع عن الصيد خبير
فيه تحت اللسان زي الغضروف تراه يمنع من اللقاح
سبحان الله هاذي صارات معي في ناقه كبيره وبكره
جبت واحد خبير في هذه الامور وقال كيف تلقح
وهذا فيها

وتذكر دائماً ان قدرة الله ومشيئة فوق كل شي

رد: يالربع ناقه مزاين ماتلقح واتعبتني رايكم يهمني

هلا اخوي فهد صك عليها من هاللحين لاعاد تاكل الا تبن وبس لين تضعف الناقه مره تصير جلد على عظم بعدين شف لك دكتور جيد ينظف رحمها ويقطع الصيد ويعطيها ابرة جسره بعدين عطها البعير يضربها واذا عشرت اكرمها بس شوي شوي لين ترجع تتعود على النعمه .
واذا انتجت ان شاء الله تعالى ادع لي والمسلمين والمسلمات الاحياء والاموات

رد: يالربع ناقه مزاين ماتلقح واتعبتني رايكم يهمني

الاخ فهد
بعد التحية
مثل ماقال الاخ تركي ولكن فية غلط اكثر الناس يقعون فيةوهو تقطيع فم الناقة من لحم وغضاريف فاالذي يقطع جلدة صغيرة تحت اللسان حتى الناقة ماتهدر فقط وتلعب على الابل

رد: يالربع ناقه مزاين ماتلقح واتعبتني رايكم يهمني

مثل ما ذكروا الاخوان حاول تعزل الناقه وتخفف عليها بالعلف ولا ترحمها هذا بالوقت الحالي ولا هاجت الفحول لها باب وجواب قبل تضربها بأسبوعين او ثلاثه شفلك رجال خبير ومعروف يدخل عليها وينظفها واكرمها بالبرسيم خلها تجسر واعرضها على الفحل واذا مالله كتب عشار جرب معها ابره الجسره والتثبيت وخل الابر اخر شي لا تستعجل عليها ترى ما فيه احلى من الطبيعي وان شاء الله يرزقك الله منها البكره اللي تنومسك تفائل بالخير بس ...

رد: يالربع ناقه مزاين ماتلقح واتعبتني رايكم يهمني

الرجال الي قدامي ماقصرو والله اعلم ان ناقتك عقرها الشحم

رد: يالربع ناقه مزاين ماتلقح واتعبتني رايكم يهمني

السلام عليكم اخوي فهد
انا صارلي الموقف هذا بس فيه حلين
١- فتش عنها الصيد
٢- نضف لسانه زين مثل ما قال اخوي احمد
تقبل مروري