الفزعـه يالربـع ( الناقه الغاليه )

رد: الفزعـه يالربـع ( الناقه الغاليه )

الأخ العزيز / ممدوح الشريـف
الله يجزاك خير ويقبل منا ومنك , ولايريك مكروه بحال و مال ,
وصدقت التحليل مهم , ولكن ماعندنا ألا مختبر واحد في ميدان الهجن والزحمه عليه بشكل غير طبيعي , وباذن الله بآخذ لها تحليل ,
..
الأخ العزيز : ابو صالح
بيض الله وجهك . وجزاك الله خير , ورحم الله وآلديك ,
صدقت لكن من خوفنا من الهيـآم وسوس بناا ,
والله العالم أنه هيام , لن الناقه تتبع الشمس من امس , !
وانا مراقبها , ولافيها مغص ولاغصه ولا شي ,
قل شهيّـه + حراره والله اعلم + ضمور + شين نظر , حتى ممشاها مختلف
.. وابرة الهيام موسوستن بي , لنها قد اصعدت معي بناقه لقحه ,
..
شكراً للجميـع ,
وجزاكم الله خير
افادني مروركم جميعاً واشكركم من القلب

رد: الفزعـه يالربـع ( الناقه الغاليه )

السلام عليكم
قس حرارتها اذا ما عندك جهاز حراره اشتر من الصيدليه والأفضل الالكتروني
يمكن حراره ما تخلي المطيه تأكل
ومن صوب أبره الهيام أنا مجربها في لقحه عندي ولا ضرتها ولدت عندي من تجربه والأفضل الفرنسيه
وجهاز الحراره ضروري عند راعي الحلال سعره رخيص حوال ٣٠ ريال
وان شاء الله ما تشوف شر الله يوفقك

رد: الفزعـه يالربـع ( الناقه الغاليه )

حياك الله خوي مشعل

اسال الله العظيم رب العرش الكريم ان يعافيك وحلالك وجميع المسلمين اميـــــــن

فعلا الحالة غريبه لكن الخوف وانا اخوك على اللي فبطن الناقه يمكن ميت فبطنها احتمال ! بس لازم تسوي تحليل دم بالمختبر

تحياتي

رد: الفزعـه يالربـع ( الناقه الغاليه )

هلا يا بو ذعار ابره الهيام الفرنسية ما منها ضرر ان شاء الله على اللقحه من 5 اشهر وطالع اما ابره الهيام الهندية تضر لانها حاره

رد: الفزعـه يالربـع ( الناقه الغاليه )

اخوي مشعل اسال الله ان يشفيها ويبارك فيها ويرزقك البكره المزيونه منها دور اي واحد يبيع ماء زمزم واقرء فيه المعوذات
وآية الكرسي ودعاء الشفاء مع النفث وباْذن الواحد الاحد ماتشوف شر

رد: الفزعـه يالربـع ( الناقه الغاليه )

الله يشفي ناقتك والتحليل ..التحليل يابو ذعار
اسحب منها 10 سم دم وروح لمختبر الهجن ويومين بيطلع
تقبل تحياتي

رد: الفزعـه يالربـع ( الناقه الغاليه )

الناقة عليها حرارة فقط لاغير

رد: الفزعـه يالربـع ( الناقه الغاليه )

مسيك بالخير يامشعل

عندي ناقه مثل ناقتك بالضبط الفرق ان اللي عندي عشرا
نصيحه لا تحلل أنا حللت اللي عندي وقال المختبر دود وكريات دم بيضا منخفضه وأنزيمات كبد
وعطاني علاجات بودره مع ما وثلاث انواع ابر ولا فأدت بشئ
والا هال لحين مدري وش علتها فتحت فمها مافيها هدب الجمعة انشالله بكويها وبعطيك الاخبار
نصيحه لاتكثر على ناقتك العلاجات والله مابقى ابره ماعطيتها واني رحمتها اخر الطب الكي
وان لقيت علاج لناقتك علمني وانا ان لقيت انشالله علمتك
عسى الله يشفي حلالك والمسلمين
للمعلوميه ناقتي لها ثلاث اسابيع

رد: الفزعـه يالربـع ( الناقه الغاليه )

الله يشفي حلالكم وحلال المسلمين ويبارك لكم ..

رد: الفزعـه يالربـع ( الناقه الغاليه )

ابو ذعار مساك الله بالخير انت ومن يقرا

اولا الناقه ذلحين محتاجه للتغذيه لانها صار لها كم يوم ما ذاقت شي دور لمحلول فتح الشهيه كيس يبيعونه الصيدليات ب 10 ريال وهو اساسا للتخمه لكن فيه فيتامينات ويفتح الشهيه وبعدين عط الناقه لبن اذا عندك عشاير.

اما العلاج فالناقه الله العالم ان اللي فيها هيام وما دام وصلت الى ذا الحال فلا عاده بنافعها بعد نفع الله الا الابره الفرنسيه وهي باذن الله امنه من رايي انك توكل على الله وتعالجها ان طابت وضمت لقاحها فابرك واسعد وان طرحته فهي اغلا منه اهم شي الناقه لانك لو ما عالجتها خايف من صعادها يمكن يلحق عليها المرض ..
واخيرا الله يشافيها ويبارك لك فيها وجعلها تجيب لك البكره اللي انت هاقي بها

رد: الفزعـه يالربـع ( الناقه الغاليه )

السلام عليكم
قس حرارتها اذا ما عندك جهاز حراره اشتر من الصيدليه والأفضل الالكتروني
يمكن حراره ما تخلي المطيه تأكل
ومن صوب أبره الهيام أنا مجربها في لقحه عندي ولا ضرتها ولدت عندي من تجربه والأفضل الفرنسيه
وجهاز الحراره ضروري عند راعي الحلال سعره رخيص حوال ٣٠ ريال
وان شاء الله ما تشوف شر الله يوفقك

عليكم السلام ورحمة الله
لا والله ماعندي ولااعرف له ,
مايجيك الشر يامفلح والله يجزاك خير

حياك الله خوي مشعل

اسال الله العظيم رب العرش الكريم ان يعافيك وحلالك وجميع المسلمين اميـــــــن

فعلا الحالة غريبه لكن الخوف وانا اخوك على اللي فبطن الناقه يمكن ميت فبطنها احتمال ! بس لازم تسوي تحليل دم بالمختبر

تحياتي

البقاء بك يالحربي ,
الله يقبل منك ويجزاك خير ويرحم وآلديك ,
والناقه ابشرك تحسنت ولاعليها خلاف لها حول ال3 ايام بخير

هلا يا بو ذعار ابره الهيام الفرنسية ما منها ضرر ان شاء الله على اللقحه من 5 اشهر وطالع اما ابره الهيام الهندية تضر لانها حاره

ارحب يابندر ,
صدقت , لكن اللي اصعدت بناقتي قبل فتره اظنها الفرنسيه الغاليه ألاّ أني غلطان ,

اخوي مشعل اسال الله ان يشفيها ويبارك فيها ويرزقك البكره المزيونه منها دور اي واحد يبيع ماء زمزم واقرء فيه المعوذات

وآية الكرسي ودعاء الشفاء مع النفث وباْذن الواحد الاحد ماتشوف شر

الله يجزاك خير يافرج ,
وصدقت وبيض الله وجهك ,

الله يشفي ناقتك والتحليل ..التحليل يابو ذعار
اسحب منها 10 سم دم وروح لمختبر الهجن ويومين بيطلع
تقبل تحياتي

مرحبا بك عدد وبل المطر ,
وابشرك كفانا الله من التحليل باذن الله

الناقة عليها حرارة فقط لاغير

لاهنت يامساعد ,
جزالك الله خير

مسيك بالخير يامشعل

عندي ناقه مثل ناقتك بالضبط الفرق ان اللي عندي عشرا
نصيحه لا تحلل أنا حللت اللي عندي وقال المختبر دود وكريات دم بيضا منخفضه وأنزيمات كبد
وعطاني علاجات بودره مع ما وثلاث انواع ابر ولا فأدت بشئ
والا هال لحين مدري وش علتها فتحت فمها مافيها هدب الجمعة انشالله بكويها وبعطيك الاخبار
نصيحه لاتكثر على ناقتك العلاجات والله مابقى ابره ماعطيتها واني رحمتها اخر الطب الكي
وان لقيت علاج لناقتك علمني وانا ان لقيت انشالله علمتك
عسى الله يشفي حلالك والمسلمين
للمعلوميه ناقتي لها ثلاث اسابيع

الله يمسيك بالنور يابن عمير ,
ماحللـت , يامحمد وان شاء الله انها طيّبه
الناقه لها 3 ايام تاكل وتشرب وانطلق وجهها , والحمد لله حمد الشاكرين ,
عندي احد الاخوان جزاه الله حير الجزاء كل عصر يمرها يرقيها وينفث عليها ويقرأ عليها مايقارب نصف ساعه ,
والحمد لله الناقه طيّبه وبخير , ولاحظت انها تحسنت بعد هالامر , والشكر لله
وناقتك جاء عندي عشرا مثل حالت ناقتك
حلّلت وقالوا هذا ألتهاب كبدي , ولايفيدك العلاج بشي وأصريت عليه وعطاني العلاج , إبر ومحلول عن طريق الفم ,
ولانفع . وماتت الناقه الله يعوضنا بخير ,
لكن نصيحه وانا اخوك استعجل بالكي , وفيه مواضيع فالمنتدى بتفيدك عن هالحاله , وأماكن الكي ,
وجعلك ماترى باس بحال ومال

الله يشفي حلالكم وحلال المسلمين ويبارك لكم ..

جزالك الله خير , وتقبل الله منك

ابو ذعار مساك الله بالخير انت ومن يقرا

اولا الناقه ذلحين محتاجه للتغذيه لانها صار لها كم يوم ما ذاقت شي دور لمحلول فتح الشهيه كيس يبيعونه الصيدليات ب 10 ريال وهو اساسا للتخمه لكن فيه فيتامينات ويفتح الشهيه وبعدين عط الناقه لبن اذا عندك عشاير.

اما العلاج فالناقه الله العالم ان اللي فيها هيام وما دام وصلت الى ذا الحال فلا عاده بنافعها بعد نفع الله الا الابره الفرنسيه وهي باذن الله امنه من رايي انك توكل على الله وتعالجها ان طابت وضمت لقاحها فابرك واسعد وان طرحته فهي اغلا منه اهم شي الناقه لانك لو ما عالجتها خايف من صعادها يمكن يلحق عليها المرض ..
واخيرا الله يشافيها ويبارك لك فيها وجعلها تجيب لك البكره اللي انت هاقي بها

ارحب يابوعبدالله ,
صدقت , الفيتامين ذا عطيته الناقه أول ماشرهت عليها ولانفعها , والنفع من الله ,
والناقه ابشرك انها بخير وتحسنت وزان نظرها والشكر لله من قبل ومن بعد
الله يجزاك خير , ويرحم وآلديك ولايريك ماتكره بحال ومال ويحفظنا وإياك وجميع المسلمين ,




شاكر ومقدّر للجميـع ,
وانصحكم بالرقيه الشرعيه ,
والله لايريكم مكروه ان شاء الله

رد: الفزعـه يالربـع ( الناقه الغاليه )

الحمد لله والله يبشرك بالخير

رد: الفزعـه يالربـع ( الناقه الغاليه )

يابو ذعار عطها خافض حراره

واسحب عينه من دمها

ولا تتهاون ويمر الوقت عليها ماستفدت شي