تكفون يا النشاما عجلوا بالحل ..

السلام عليكم ورحمة الله وبركاتة

يا الربع عندي بكرة ثنية عيت تعشر

ضربت من ثلاث فحول ..

وما عشرت

وش الحل

مع العلم انها لم تصاب باي امراض الحمدلله

وتهدر وتحد الفحل عن النياق الي تبي ضراب

رد: تكفون يا النشاما عجلوا بالحل ..

ارحب ياسالم
اذا هاجت البعارين شف لك طبيب شعبي يذكر بالخبره
خله يقطع عنها ويجهزها للفحل وبمشئة الله بتلقح
تقبل مروري

رد: تكفون يا النشاما عجلوا بالحل ..

هلابك اخوي محمد


العذر منكم نسيت اذكر ان ابوي قطع عنها مرتين ..

وسمعت من احد الاخوه قبل فترة عن عملية نسيت اسمها .. تنظيف الرحم

هل تفيد ..؟

وانا ودي اعرف علاجها من الحين

ولآهنت يا محمد

رد: تكفون يا النشاما عجلوا بالحل ..

مرحبا اخوي سالم
والله يخلي لكم والدكم يارب ويمتعه باالصحه والعافيه
اذا بينت رباعيتها لامانع من الإدخال في سن الرباع
الإدخال هو التنظيف وملحقاته
والله يرزقكم منها البكار الغوالي
وتحت أمرك في اي استفسار

رد: تكفون يا النشاما عجلوا بالحل ..

سلام

ياسالم لاتستعجل توها بكره ثنيه

مالله اعطاك منها هالسنه الي وراها البكره لاتدخل علاها ماهي مكتوب تعشر ثنيه مكتوب انها تعشر رباع او سدس

الوضع عادي ولاتطير

رد: تكفون يا النشاما عجلوا بالحل ..

بيض الله وجيهكم


وجزاك الله خير اخوي محمد والله يبارك فيك ويجعلك سالم


ومشكورين الله يبارك بحلالكم ويحفظكم