القعود حاله ردي

السلام عليكم ورحمة الله وبركاته

اخواني عندي قعود سنه حق طيب ابوه الوافي بعير بن قروش له فترة حوالي الشهرين وحاله يتردى ويشين انا عازله في شبك أحاله مرهي عليه البرسيم والشعير المجروش ولقام طحين وحلبه و فول الصويا ولا سره يوم كان مع البل حاله طيب ويوم عزلناه في هذه القيضيه شان ،،،،،،،،،،، ما ودي اخسره مأمل عليه خير وش الحل يا جماعة الخير شيروا علينا ياهل العرف

رد: القعود حاله ردي

ان شاء الله مافيه الا العافيه
اعطه حبوب الدود الخضراء وعدها له عقب اسبوعين
لاتمشي على الظنون يمكن ويمكن
قعودك غالي سو له تحليل وتعرف علته يمكن فيه مرض وان ابطيت عليه بالعلاج
يشيخ فيه المرض ويغدي صعب علاجه

رد: القعود حاله ردي

مثل ما قال الاخ ناصر اعطه حبوب الدود على جوع وكررها بعد اسبوعين ويفضل ابره جرب دكتوماكس الفرنسية وبعد اسبوعين كررها وابره الجرب تغني عن الحبوب ومفعولها افضل وبتشوف ما يسرك ان شاء الله

رد: القعود حاله ردي

ان شاء الله مافيه الا العافيه

اعطه حبوب الدود الخضراء وعدها له عقب اسبوعين
لاتمشي على الظنون يمكن ويمكن
قعودك غالي سو له تحليل وتعرف علته يمكن فيه مرض وان ابطيت عليه بالعلاج

يشيخ فيه المرض ويغدي صعب علاجه

مثل ما قال الاخ ناصر اعطه حبوب الدود على جوع وكررها بعد اسبوعين ويفضل ابره جرب دكتوماكس الفرنسية وبعد اسبوعين كررها وابره الجرب تغني عن الحبوب ومفعولها افضل وبتشوف ما يسرك ان شاء الله

مشكورين على الرد ،،،،،،،،،،،،،، جاري تجريب العلاج والله ينفع به

رد: القعود حاله ردي

اخوي محمد لايكون الحوض مكشوف للكلاب وسهل انها تشرب منه او تتغطس فيه

تراها تسبب تسمم للبل اذا شربت من حوضها او تغطست فيه

حاول في الليل تنثر المويه اللي عنده في الحوض والصبح عبه مره ثانيه

اذا حسيت انه تحسن من اسبوعين الى ثلاث اسابيع اعرف ان العله منها

وفيه علاج في الصيدليه مره وعلمه فيه يمكن يكون هو السبب

وهو يسبب ضعف في حال الناقه او القعود كل شوي يضعف لين يروح

تاكد منه اخوي وهذا رقمي ان بغيت اي خدمه

رد: القعود حاله ردي

نسيت الرقم 0530092292