بسرعه الله يوفقكم الي مرت عليه يعلمني

السلام عليكم ياأخوان اشتريت نخاله قبل اسبو وعلفتهاالبل وترى البل منقطعه عنها النخاله لها شهرين ماذاقتها وقبل خمسه ايام علفتها وعندي حوار انتفخت بطنه وثلاث ايام وهو يموت والحين عندي حواره غاليه لها ثلاثه ايام جاها سهال وانتم بكرامه زي الماء واليوم جيتها ولقيتها باركهويوم اقرب منها ترغي وحصلتها راده ومطرشه مع فمهها وحالتها مترديه الي مرت عليه يعلمنا وجعلها ما تمر على صديق وسلامتكم

رد: بسرعه الله يوفقكم الي مرت عليه يعلمني

شي طبيعي نقضتها النخاله لان اي علف تبي تحطه لازم تدرب الحلال عليه بحيث انه مايشبع لين يكمل اسبوع اقل شي الله يعوضك خير منها
والذارق اعزلها وغرها بماء بارد او محلول من البيطري وابره وخلها على الرودس لين تسلم

رد: بسرعه الله يوفقكم الي مرت عليه يعلمني

يمكن أنكم عترتوها بكثر الحليب الحيران هذا والله أعلم

رد: بسرعه الله يوفقكم الي مرت عليه يعلمني

إفتك من النخاله إن كان تبي السلامه لنياقك
والله ماعينت البل خير الا بعد ماقطعت النخاله عنها
زانت وبرتها وراحت الاكياس الدهنيه اللي كانت ماتفارق البل طول فتره علفها بالنخاله

اما بالنسبه لبكرتك اللي معها سهال
انا كان عندي حواره قبل 10 ايام فيها سهال مثل الماء وانت ومن يقرا بكرامه وتطرش
وشهيتها شينه ومقامها اقشر
واستخدمت لها إقمنتين 312 موجود في الصيدليات البشريه
واللي دلني على هالدواء اخوي طلال الروقي الله يجزاه خير
والبكره طابت بعد فضل الله مع العلم اني ماخليت دواء بالصيدليه البيطريه الا وجربته ولكن بدون جدوى
وهو عباره عن محلول ابيض تزيده مويه وتعطي البكره 5 سم في الفم لمدة خمسه ايام وإن شاء الله ترد لها عافيتها بعد اذن الله

وهذا رابط الموضوع كامل
http://www.mzayan.com/vb/showthread.php?t=48297

رد: بسرعه الله يوفقكم الي مرت عليه يعلمني

الله يجزاكم خير ويعطيك العافيه ماقصرتو وبيض الله وجيهكم

رد: بسرعه الله يوفقكم الي مرت عليه يعلمني

علوم الحواره اليوم ياتركي
عساها اليوم احسن
الزياده فالنخاله او الشعير او المكعب او البرسيم او التمر او الخبز يسبب تفوق خصوصاً في هالاجواء الحاره
والاقمنتين يزيد عملية الذراق ولاتحتاج لاي مضاد حيوي
فالتدريج مطلوب في الاعلاف المذكزره اعلى
نتظرك تطمنا على الحواره ياتركي

رد: بسرعه الله يوفقكم الي مرت عليه يعلمني

شي طبيعي تنتفخ وترجع
النخالة يجب تنقيعها بالماء لمده نصف ساعه
انت عطيتها نخاله ما نقعتها وتشرب ماي الناقه وينتفخ. في بطنها وتصير هكذا
اقطع عنها العلف والماي يومين
وانشأ الله تتعافئ

رد: بسرعه الله يوفقكم الي مرت عليه يعلمني

هلاألاخ محمد منور المنتدى البكره اصبحت ميته اليوم والشكوى لله واشكر كل من شاركني بالموضوع

رد: بسرعه الله يوفقكم الي مرت عليه يعلمني

الله يعوضك خير من اللي راح ان شاء الله والبل تفدى اهلها

رد: بسرعه الله يوفقكم الي مرت عليه يعلمني

إفتك من النخاله إن كان تبي السلامه لنياقك
تحياتي للجميع

رد: بسرعه الله يوفقكم الي مرت عليه يعلمني

الله يعوضك خير