ماعندي غير الله ثم انتم

رد: ماعندي غير الله ثم انتم

يامرحبا يا مسعود منور

مسعود بطنها ونحرها مافيها شي والحليب مادري فيه رغوه والا لا


انا ما احلبها عشان بنتها

رد: ماعندي غير الله ثم انتم

مسعود يالامير الابل فالحفيره قريبه من الدوادمي

وانا فالرياض الله يطول بعمرك وجزاك الله خير دنيا واخره

رد: ماعندي غير الله ثم انتم

بانتظار الشيوخ

رد: ماعندي غير الله ثم انتم

ابو حمود امر التحليل سهل
الحفيره قريبه لدوادمي شف لك اي طبيب بيطري واسحب عينات الدم وحطها بقوالب ثلج ولاعليها خلاف لو تجلس 3 ايام
ارسلها لي وانا ااتولا امر التحليل ومخدوم يانادر
لاتشيل هم
هذا مايتعلق بالتحليل
الامر الاخر استبعد امراض الدم
وبلاها في بطنها والكي هو العلاج الانسب لها
ولي متابعه للموضوع

رد: ماعندي غير الله ثم انتم

محمد بيض الله وجهك يالامير



محمد موقعك وين الله لايهينك




والعذر والسموحه تعبتك معي انت والشباب

رد: ماعندي غير الله ثم انتم

موقعي الرياض يانادر
والمختبرات بكثره عندنا بالرياض
وبالخدمه وانا اخوك

رد: ماعندي غير الله ثم انتم

الله يبيض وجهك على كل حال منور الرياض بوجودك فيها يا محمد
انا من الرياض


الحين طال عمرك ما قدر أخذ عينه بنفسي بدون البيطري لان البيطري ماهو طالع وبعدين كيف طريقة أخذ العينه من وين اسحب الدم والدم احطه في ويش فيه علبه اخذها من البيطري والا كيف الوضع

رد: ماعندي غير الله ثم انتم

اخوي نادر انا مع مشاركه الزميل بندر الراوي برش الحوار بالجاره 15% واعطائها فيتامين والافضل بنسلين بمقدار مايراه البيطري وعندي ملاحظه مهمه جدا لم يتطرق لها الزملاء وهو بتفتيش فم الحوار من مرض يسمي (البلعوب) وهو مرض يمنع الحوار من الاستفاده من غذائه وهو زوائد لحميه داخل الفم وعلاجها الكي او تقطيع الزوائد بمقص وهو الافضل اتمني اني افدتك

رد: ماعندي غير الله ثم انتم

ابو فهد الله يبيض وجهك

ابو فهد من ناحية الجره والابر سويت كل شي لها

اما فمها والله ما فتشتها بس بدق على الراعي يفتشها عسى تكون بلعوب ونفتك منه

على كل حال الله يطول بعمرك ويخليك لعين ترجيك

رد: ماعندي غير الله ثم انتم

ارحب يانادر
واسف على التاخير لانشغالي بالاقسام الاخرى
ان انصح ان الدكتور هو اللي يسحب العينات لاسباب كثيره اولها العبوات وطريقة سحب العينات من الوريد
وماتشوف شر ان شاء الله

رد: ماعندي غير الله ثم انتم

ارحب يا نادر جرب معها سلفا ثلاثية بالفم ومنشط للكبد ( اوركسين ) 10مل لمده 5 ايام او اي منشط للكبد غيره وان شاء الله تتحسن

رد: ماعندي غير الله ثم انتم

بندر يالامير

سلفا وش هي حبوب والا شراب

رد: ماعندي غير الله ثم انتم

بندر يالامير

سلفا وش هي حبوب والا شراب

هلابك يالامير بودره تخلط بالماء

رد: ماعندي غير الله ثم انتم

السلام عليكم ورحمة الله وبركاته
اخوي نادر مشكلة حوارك انك ماتحلب امها
الناقة الى ماحلبت يستملح لبنها ولايسر الحوار
الا يضره ويدوبل
احلبها عشان يستحلي لبنها ويسر بنتها

رد: ماعندي غير الله ثم انتم

خذلك بصل مقدار كيلوا ونظفه وقطعه قطع صغيرة وبعدين حط علية 2لتر ماء شرب وخله ينقع يومين ثم شربها المنوق لأن الله والعالم إنسداد في جزء من ألأمعاء يفيدها ولا يضرها بإذن الله سبحانه وتعالى