الناقه عظام وجلد

رد: الناقه عظام وجلد

صباح الخير اخوي محمد الاخوان ما قصرو لاكن لا تتاخر على الناقه بعد العيد ارسلها الى مستشفى الاحساء او بريده راح يسون لها فحص دم وفحصوات اخرى راح تطلع بنتيجه انا وديت بعير للاحساء في شهر 7 كان ما يقوم ضعيف حلوله وعطوني علاج ما تصدق عطيته من بكره قام والحمدالله في تحسن دوامهم من الساعه 8 الى 2 وبتسلم انشاء الله

رد: الناقه عظام وجلد

السلام عليكم ورحمه الله وبركاته

يااخوان هذي صورة الناقه أرجو الرد والناقه حالتها رديه بلحيل

رد: الناقه عظام وجلد

الي مرت عليه هالحاله

لايبخل علينا الله يجزاكم خير

رد: الناقه عظام وجلد

مقدر اقولك ياحمد إلى خذ بنصيحه الدكتوروالاخوان


يمكن الناقه فيها عين لا سمح الله. اناقه شكلها زين والمرش مشينها ولا انا غلطان

الي اقوله لك سوه ولانت بخسران

حط شبكها في ظلال الوايت لن المرض والجوع والشمس مصيبه لاجتمعت

وكذالك رشها بماء عادي او ما زمزم مقري فيه او الاثنين معاً

هاذا الي اقدر اقوله

وفي النهايه الله يشفي ناقتك

رد: الناقه عظام وجلد

الله يرحم والديك وفعلا الناقه ناقه مزاين

رد: الناقه عظام وجلد

كلاً يدلي بدلوه وهذه ايضاً وصفه مجربه وناقتك اكيد علتها الدود عطها ياطويل العمرثلاثين فص ثوم مخلوط في الخلاط ويوضع في قارورة بيبسي عائله ويزاد عليه ماء حتى تمتلي القارورة وتبرد في الثلاجة بروده مرتفعه ثم غرها به ثلاث مرات كل خمسة ايام مره والافضل ان تكون المره الثانيةاربعين فص والثالثة خمسين فص وسترى النتيجه الطيبه والشافي رب العالمين

رد: الناقه عظام وجلد

الناقه يمكن فيها جرح

رد: الناقه عظام وجلد

السلام عليكم ورحمة الله وبركاته
جرب زيت الزيتون مقدار قرشتين غر الناقة غر وسوف تتحسن باذن الله

رد: الناقه عظام وجلد

بشر وش وضع الناقه..

رد: الناقه عظام وجلد

انا ابي ادلي بدلوي مع الشباب وانشالهل الفايده للجميع
اذا الناقه تشرب زين وماتاكل وضعيفه ومافيها علات ثانيه ثير هذي علامة ان بطنها مليان وبر واذا تذكرها لها طبع باكل الوبر اكيد هو وهذي مالها علاج الا جراحي يعني شق بطن وتتطلع كور بعضها يصير زي كورة القدم ووصلب الي درجه لو توقف الوايت فوقه ماينكسر
وانتبهو يا اخوان الملح ضروري لان الرمث ملحه قليل واغلبه مواد ثانيه ولازم الملح يكون موجود للبل والبل ما تعوض نقصها من الملح الي بعد سته شهور ولازم يكون الملح قبل تطيير الوبر خصوصا اذا ملقت ربيه يصير معها نقص شديد بالملح وهذا يسبب اكل الوبر وبعدين تتعود وتصير عاده حتى لو حطيت لها ملح تاكل الوبر وان شالله تلقون الفايد حبيت اضيف لمعولماتكم وما نستعني عن الاظافه حتى تعم الفايده

رد: الناقه عظام وجلد

احمد مالك الى التحليل وريح راسك

عندي ناقة لا شفتها اوجعك وجهك منها ماخليت معها شي وبعد التحليل والعلاجات اللي صرفت لي واستخدمتها للناقه من شافها اول ماعرفها ذلحين ماتشل عمرها من الشحم


0565107846

0566127033

هاذي ارقامهم هل المختبر ان كانك في الشرقيه دق عليهم وبيعلمونك متى يجون منطقتك وياخذ 120 على تحليل الدم و 250 ريال الظاهر على زراعة الدم

وان جبت لهم العينه لمحلهم في سوق الحساء ب 70 ريال

وانا اشور عليك خلهم ياخذون بس تحليل الدم فقط وبيبين وش فيها كل شي بنفس اليوم يعطيك المعلومات كلها

رد: الناقه عظام وجلد

كلاً يدلي بدلوه وهذه ايضاً وصفه مجربه وناقتك اكيد علتها الدود عطها ياطويل العمرثلاثين فص ثوم مخلوط في الخلاط ويوضع في قارورة بيبسي عائله ويزاد عليه ماء حتى تمتلي القارورة وتبرد في الثلاجة بروده مرتفعه ثم غرها به ثلاث مرات كل خمسة ايام مره والافضل ان تكون المره الثانيةاربعين فص والثالثة خمسين فص وسترى النتيجه الطيبه والشافي رب العالمين

بس ياياسر الثوم حار على المطيه وفي ذا القيض مااظن كثرته بتزين حالها غير بتوجعها

رد: الناقه عظام وجلد

خلطة الرشاد والحبه السودا والحلبه عطيتها ناقه عندي قبل سنتين وجالتها نفس حالتك ما اصبحت الا هي ميته

والله اعلم ان السبب في الخلطه لانها قويه بالحيل وما تحملتها لذلك خف عليها وارجح راي الاخوان في التحليل

والله يرد لها عافيتها ويبارك لك فيها

رد: الناقه عظام وجلد

بسم الله الرحمن الرحيم

بالنسبه للمستشفئ انا فالكويت

والناقه كويتها كيه الشوكه وقامت تاكل اسبوع

وبعدها شديت ومشيتها ١٥ كيلو ومااكلت الحين ثلاث ايام ورديت كويتها كيه الشوكه لانه الكيه الاوله ماجات زين والله يستر

والله يجزاكم خير علا تفاعلكم

رد: الناقه عظام وجلد

الناقه اللي عندي باعلمك وش قالو لي وانت اذا بتجرب جرب بناقتك وماهيب بعدي من شكل ذي

اول شي عطاني ابرة هيام

ومنشط للكبد

ومنشط للمعده اكياس

ونقص قال حديد


وانت لو تكلم المصري وتشوف متى بيجي للنعيريه وقدام الموعد بكم ساعه اسحب دم وحطه في ثلج ووده له وخله ياخذه معه