ورم بين الديد والسره

السلام عليكم ورحمة الله وبركاته
عندي ناقة بكر لقاح هالسنه طلع ورم قدام الديد ونازل ألي السر وعند السر منتفخ بالعرض
الصور توضح
الناقة تاكل وتسرح ولافيها شي ولايوجد أي تورم أخر في أي مكان لا في الزور ولا في الرجلين (ما فيها هيام ) أن شاء الله
الدكتور عاطف بالجبيل يقول ألتهاب في الديد وعطاني أبر علاج للألتهاب وبنسلين وعطيناها ولاتغير شي
أحد مرت عليه يا جماعة ...ناس يقولون عادي في الأبكار يجي ألتهاب في الديد ويروح بعد مدة ..غسلت الورم بالثلج والماء البارد وبالملح ولافيه فايده
شوركم يالربع
مرفق الصور

رد: ورم بين الديد والسره

مرحبا يالشمري ..

هذا والله اعلم بدايه هيــام .. واذا ماعالجته بيمتد لنحر والرقبه ..

فيه علاج ممتــاز له .. خذ لها وناا اخوك ابره هيام فرنسيه .. وبعد ماتعطيها بتشوفها بعد اسبوع متحسنه


..

رد: ورم بين الديد والسره

أخوي /عايض
الناقة مافيها أعراض الهيام
(الزور والنحر مافيه أورام-رجليها ما فيها أورام -ما دمع عيون الناقة -ما تطرف عن البل)
أنا فكرت في الهيام وأخذت الأبره عندي بالثلاجة
لكن ماني مقتنع بالهيام لعدم وجود أعراضه
الناقة تاكل وبدين ولقحه

رد: ورم بين الديد والسره

وعليكم السلام ورحمت الله وبركاته

الله يشفي ناقتك

في الغالب يجي في البكار كذا بس موب بالحجم هاذا

وانا شوري اذا كان ولادها قريب خلها لاتعبث فيها ولا تعطيها اي ابرة لين تالد

وذا ولدت عطها ابرة هيام فرنسيه وكررها بعد شهر من الابره الأولى

وترا ابرة الهيام طيبه للوريم الي يتعلق بديس

رد: ورم بين الديد والسره

وعليكم السلام ورحمت الله وبركاته

الله يشفي ناقتك

في الغالب يجي في البكار كذا بس موب بالحجم هاذا

وانا شوري اذا كان ولادها قريب خلها لاتعبث فيها ولا تعطيها اي ابرة لين تالد

وذا ولدت عطها ابرة هيام فرنسيه وكررها بعد شهر من الابره الأولى

وترا ابرة الهيام طيبه للوريم الي يتعلق بديس

شكرا يا محمد
الناقة عشارها كان في شهر 1ميلادي يعني باقي عليها 6شهور أن شاء الله

رد: ورم بين الديد والسره

هلا ومية هلا بابن العم
صار عندي بناقة فاطر قبل ولاده بشهرين تقريبا
ورم بالديد وبالبطن ومع الوقت تقدم الورم للزور
وقلت اخليها ياما تلد ولكن تزمن معه المرض وصارت
ناقة عريمان تبرك ولا تقوم ما لك بطوله ولدت ومازال
المرض معه عطيته إبرة الهيام ومات عسى يخلف علينا
المهم نصيحة لوجه الله عجل بتحليل الدم ويتبن المرض وتعالج
بإذن الله وتشفى بقدرة العزيز القادر

رد: ورم بين الديد والسره

هلا ومية هلا بابن العم
صار عندي بناقة فاطر قبل ولاده بشهرين تقريبا
ورم بالديد وبالبطن ومع الوقت تقدم الورم للزور
وقلت اخليها ياما تلد ولكن تزمن معه المرض وصارت
ناقة عريمان تبرك ولا تقوم ما لك بطوله ولدت ومازال
المرض معه عطيته إبرة الهيام ومات عسى يخلف علينا
المهم نصيحة لوجه الله عجل بتحليل الدم ويتبن المرض وتعالج
بإذن الله وتشفى بقدرة العزيز القادر

هلا فيك اخوي فهد
الابره موجوده وشاريها من اكثر من شهر لكن طردوني الجماعه والجيران عنها والناقه لقحه وباقي لها مده للولاده
ولا ادري وش اسوي
الله يكتب لنا ولكم الخيره
شاكر ومقدر كل من شارك بالموضوع

رد: ورم بين الديد والسره

اذا كانت الناقه ماتسرح فالوضع هذا طبيعي يحصل لبعض البل ويروح مع المسراح القوي لكن مسألة انك تفكها تدوج شوي وترجع مايصلح راح يبقى معها الورم وانصحك بالابره
اما اذا كانت تسرح مسراح قوي ولا راح الورم عنها انصحك بالابره لان هذا هيام
والابره سلمك الله مامنها خطر اما علاجيه والا وقائيه
والله يبارك لك فيها ويمنحك منها

رد: ورم بين الديد والسره

اخوي ذياب
اذا الناقة بكر مافيها الا العافية هذا الوريم بيروح باذن الله بعد الولادة , عندي ناقة العام القحة بكر وصار فيها مافي ناقتك وبعد ما ولدت اختفى الورم نهائياً.
تحياتي

رد: ورم بين الديد والسره

خل الناقة تسرح ولا فيها العافية

وان عطيتها ابرة الهيام الفرنسية فهي ما تضر بعد أمر الله وتعتبر تطعيم ان ما كان فيها شيء

وناقتك سليمة ولا فيها الا العافية وهذا طبيعي يجي في بعض البل

رد: ورم بين الديد والسره

اخوي ذياب
اذا الناقة بكر مافيها الا العافية هذا الوريم بيروح باذن الله بعد الولادة , عندي ناقة العام القحة بكر وصار فيها مافي ناقتك وبعد ما ولدت اختفى الورم نهائياً.
تحياتي

أهلا أخي محمد
الناقة فعلا بكر

رد: ورم بين الديد والسره

هلا ياذياب تطمن وانا اخوك صارت عندي العام في بكر لقاح وهذي سوائل طبيعيه تسببها دوده كبديه حسب ما سمعت وعلاجها شراب بندازول وابره الجرب الامريكيه اللي تحت الجلد واذا ماعالجتها بعد الولادة بتختفي ان شاء الله انا ماعالجتها واختفت بعد الولادة من نفسها
اتمنى افدتك

رد: ورم بين الديد والسره

هلا ياذياب تطمن وانا اخوك صارت عندي العام في بكر لقاح وهذي سوائل طبيعيه تسببها دوده كبديه حسب ما سمعت وعلاجها شراب بندازول وابره الجرب الامريكيه اللي تحت الجلد واذا ماعالجتها بعد الولادة بتختفي ان شاء الله انا ماعالجتها واختفت بعد الولادة من نفسها

اتمنى افدتك

مرحبا بمشرفنا العزيز
الله يجزاك خير أنت من يقرأ
الله يكتب اللي فيه خيره
راح أنتظر عليها حتي الولادة أن شاء الله ....

رد: ورم بين الديد والسره

السلام عليكم ورحمة الله وبركاته
عيدكم مبارك وكل عام والجميع بخير
الورم أشوفه بدأ يتصلب من كم يوم ولا فيه تغير بالحجم

رد: ورم بين الديد والسره

عطها الابره بس واقطع الشك باليقين