علاج الطرق او الصده

يالربع عندي بكره عمرها اربعة اشهر جاها صده في يدها وشى علاجها

[PHP] 

[/PHP]

رد: علاج الطرق او الصده

ارحب يا سعود شلونك هذا يا طويل العمر موضوع سابق على استفسارك تمت الاجابه عليه

http://www.mzayan.com/vb/showthread.php?t=45658

رد: علاج الطرق او الصده

فيه هاجري في الونان يكوي وطبه زين

أعرف واحد عنده بكره جاها حرد ووداها اياه وكواها وسلمت

بس لازم يكون المرض في بدايته

رد: علاج الطرق او الصده

اذا انت بالشرقيه روح لصيدلية جوزل البيطريه على شارع سعود بعد الوكاله تايوتا يعطيك ابر نحاس +12 وفاتمين لمده اسبوع وحده بوحده كل سنه يجي عندنا وطقها وتطيب لاكوي ولا شي وبعدين عندي لك نصيحه بعد ولادة الحوار ب15 يوم او20 يوم عطه 1 ملى نحاس +12 وبامر الله ما يجيه الين مره واهم شي انك تلحق عليه قبل يتقوى ولا تراء بيصير مثل القعود الي صورته تحت بالتوقيع اهملناه وعاب

رد: علاج الطرق او الصده

الله يعطي الجميع العافيه ان مريت بيطري وعطاني حبوب نحاس ثلاث حبات كل خمسة عشر يوم وبودره وابره ادقها كل عشره صنتي لمدة ثلاث ايام وشريكم ياربع احد جربها في حيران عنده ونفعة

رد: علاج الطرق او الصده

السلام عليكم ورحمة الله
ابوخالد صباح الخير
الشباب الله يقويهم ماقصرو وافادوك
انا بزود على علاج الطبيب بشىء واحد
التمر والقيد
عطها جرعات تمر او مريس الي هو تمر وماء
ومعه القيد والفائدة طبع وشفاء بأذن الله

رد: علاج الطرق او الصده

حدد ياسعود مشكلة حوارتك
حبوب النحاس مالها علاقه فالطرق او الحرد
واذا قصدك اللين وهو انحراف الخف
فأنصحك بعدم استخدام اي تدخل علاجي
وفالغالب يجي الحيران الجدد ويختفي تلقائيا
وان استمر مابعد السنه الاولى تستخدم جرعات النحاس
او ان لزم الامر الكوي وهذا اخر الحلول

رد: علاج الطرق او الصده

الله يعطي الجميع العافيه ان مريت بيطري وعطاني حبوب نحاس ثلاث حبات كل خمسة عشر يوم وبودره وابره ادقها كل عشره صنتي لمدة ثلاث ايام وشريكم ياربع احد جربها في حيران عنده ونفعة

اخوي سعود ولايهونون الربع انا عندي بكره غاليه بالحيل جاها طرق في يدها وطرحت الموضوع قبلك

والله مانفع معها لا حبوب نحاس ولا أبر ولا قيد ولا كوي

لكن انا بعلمك البكره قمت بعلاجها بعد 20 يوم من طرقها ولا سر

وأنا انصحك نصيحه مجرب أن كان البكره غاليه لاتطبب فيها واجد ابرك لك

وعسى الله يشفيها ويبارك لك