ناقه تفيخ كل ما تمت 3 اشهر من لقاحها

السلام عليكم ورحمة الله

عندي ناقه من اطيب ابلي هالسنه لقحت وفيخت 3 مرات .. والحين حالت علينا

والناقه تقول موقته اول ما تتم 3 اشهر من لقاحها تفيخ

قاطعين عنها صيد ,, والناقه تعشر عشار بين ودحناها على البعير والناقه معشر مافيها كلام
وعلى تمام ثالث شهر تفيخ

والحين الموسم على الابواب وودي اخذ شوركم فيها وش تنصحون به جزاكم الله خير

رد: ناقه تفيخ كل ما تمت 3 اشهر من لقاحها

يامرحبا
الناقه يمكن فيها وذم تحتاج تنظيف شف لك احد ينزف منها وعطها ابرة تثبيت لقاح اذا حول منها البعير
والله يرزقك

رد: ناقه تفيخ كل ما تمت 3 اشهر من لقاحها

تأكد بانه الناقه غير ملتهبه .. اقصد الرحم معاها ملتهب ..

تاكد ما فيها اكياس دهنيه ..

اوسم الناقه تحت السبت الله يكرمك من تبشر بلقاحها بمطرق صغير ...

ابره تثبيت .. وتاكد انه الناقه مش سمينه على شان تمسك

رد: ناقه تفيخ كل ما تمت 3 اشهر من لقاحها

إبرة التثبيت تنفع لمثل هالاحالات
بس الأهم التنظيف والتقطيع
وان شاء الله تمسك عشارها

رد: ناقه تفيخ كل ما تمت 3 اشهر من لقاحها

السلام عليكم ورحمة الله

عندي ناقه من اطيب ابلي هالسنه لقحت وفيخت 3 مرات .. والحين حالت علينا

والناقه تقول موقته اول ما تتم 3 اشهر من لقاحها تفيخ

قاطعين عنها صيد ,, والناقه تعشر عشار بين ودحناها على البعير والناقه معشر مافيها كلام
وعلى تمام ثالث شهر تفيخ

والحين الموسم على الابواب وودي اخذ شوركم فيها وش تنصحون به جزاكم الله خير

السلام عليكم
اول الموسم سويلها غسيل للرحم
وعطيها مقوي مبايض فيتامين هـ
وبعدها وقت التنويخ عطيها ابرة تثبيت (ارغوسلين) 10 مل
وبس بين لقاحها بتعطيها ابرة تثبيت ملتي فيتامين كل اسبوع 4 مرات
وان شاء الله بثبت

رد: ناقه تفيخ كل ما تمت 3 اشهر من لقاحها

الله العالم ان ناقتك تلقح في قرنه وحده طلع لها بيطري جيد ولو قال لك انها مفتوحه قرنها او انه لقا شي منها متسكر وفتحها خله يحط اللي عنده من علاجات وبعدها عطه غرشه زيت زيتون كامله وخله يدخلها في الرحم حيث انها توصل القرن لان الزيت يلين اليباس اللي في القرن داخل وبعده ب3 ايام عطها ابرة اليسره الزيتيه على شان تزفر الناقه ويطلع اللي فيها من خبث وبعدها خلها الين تقفي يسرتها وتيسر مرة ثانيه واضربها وان شاء الله تلقح وتتم

رد: ناقه تفيخ كل ما تمت 3 اشهر من لقاحها

جزاكم الله خير ما قصرتوا

رد: ناقه تفيخ كل ما تمت 3 اشهر من لقاحها

شف لك دكتور ينظف عنها ويكتب لك كورس ابر لمدة ثلاث ايام

رد: ناقه تفيخ كل ما تمت 3 اشهر من لقاحها

شف الدكتور قاسم خله يطلع معك تراه لحية غانمه

وانا اقول ان فيها لاتهاب في الرحم وعلى كلامك مبطي من الحين عطها مضاد حيوي

واستخدم هالخلطه لتنظيف الرحم

حبة رشاد وحبة البركه وحلبه مع تمر لقام

تحط ربع كيلو رشاد ونص الربع حلبه وثلاث ملاعق حبة البركه لمدة اسبوع في تمر لقام


والله يمنحك منها

رد: ناقه تفيخ كل ما تمت 3 اشهر من لقاحها

الله العالم ان ناقتك تلقح في قرنه وحده طلع لها بيطري جيد ولو قال لك انها مفتوحه قرنها او انه لقا شي منها متسكر وفتحها خله يحط اللي عنده من علاجات وبعدها عطه غرشه زيت زيتون كامله وخله يدخلها في الرحم حيث انها توصل القرن لان الزيت يلين اليباس اللي في القرن داخل وبعده ب3 ايام عطها ابرة اليسره الزيتيه على شان تزفر الناقه ويطلع اللي فيها من خبث وبعدها خلها الين تقفي يسرتها وتيسر مرة ثانيه واضربها وان شاء الله تلقح وتتم

هذي العله وهذا الدواء ( عندك حدى القرن مصكره )
( وبعده ب3 ايام عطها ابرة اليسره ) يقصد ابرة التنظيف
كفيت ووفيت ياليامي

رد: ناقه تفيخ كل ما تمت 3 اشهر من لقاحها

سلامي للجمبع
الموضوع مهم
وهذا وقته
الي عنده اضافه على ما جابوه الاخوان

رد: ناقه تفيخ كل ما تمت 3 اشهر من لقاحها

سلامي للجمبع
الموضوع مهم
وهذا وقته
الي عنده اضافه على ما جابوه الاخوان

بسيط الحل باذن الله
اول شي بعد ما يعز لقاحها ويثبت وسمها تحت حياها رزه يعني مثل علامه النقطه

رد: ناقه تفيخ كل ما تمت 3 اشهر من لقاحها

فتش عن ناقتك مره ثانيه وقطع عنها اذا فيها صيد
وأهم شئ تدمي العرق اللي تحت لسانها
وحاول ماتسمن الناقه

الله يوفقك ياخوي
ويوفقك كل مسلم

رد: ناقه تفيخ كل ما تمت 3 اشهر من لقاحها

يابو أحمد حلل الناقة امكن فيها مالطية

رد: ناقه تفيخ كل ما تمت 3 اشهر من لقاحها

عليك إبرة التثبيت الأصليه رسبتأل كل من تلقح تعطيها كل شهر مره لين تلد.