ورم فى رقبه الحواره

اسعد الله اوقاتكم بكل خير

تقبل الله منا ومنكم صالح الاعمال

اخونى حبيت استفيد منكم ومن خبرتكم جزاكم الله خير

عندى مشكله في حواره ظهر فيها ورم حول الراس فى الرقبه ابى

رايكم فيها وش الحل مع هذا الورم مع العلم الحواره وضها جيد

وهاذى الصور والمعذره اذا ما كانت وضحه

رد: ورم فى رقبه الحواره

هذا ورم عادي ويروح من نفسه

جاء عندي في حواره وتركته وراح من نفسه

واظن السبب من العلف

رد: ورم فى رقبه الحواره

ماتشوف شر ان شاءالله
الي عندي بقوله لك خذ منه الي تشوفه صح
1- اذا انت تعلف مكعب اقطعه
2- رش الورم او اغسله بماء زمزم
3- انتظر رأي الأخوان

وسلامتك

رد: ورم فى رقبه الحواره

لاتقربه خله بيروح من حاله شهرين بالكثير
واذا الشبك فيه شي من حديد راسه مثل المسمار بدله بروس مربعه عشان ماتحتك عليه ويجرح الخراج وينفتح ويلتهب / بس الشبك في الصورة اشوفه مناسب جدا

رد: ورم فى رقبه الحواره

هلا يا علي هذا خراج ادهنه بمرهم اليود الأسود مرتين يومياً لين ينضج ويصير لين بيطلع له راس وينفقع من نفسه لنفقع اغسله بماء وديتول او ماء اوكسجين زين وحط داخل الجرح مره مطحونه واستمر على البخاخ الازرق حق الجروح لين يبرى الجرح وعطها كورس بنسلين خلال هذه الفتره وما عليها خلاف ان شاء الله

رد: ورم فى رقبه الحواره

هلا بالاخ علي
لاماعليها اخلاف انشالله امرها بسيط هذ وانا اخوك اخراج واكثر مايجي في الحلال اللي يطعم المكعب وانشالله مع الوقت يبا يروح ولاانه ينفضخ
وان كانك عجل على مراحه مر الصيدلي واخذمن مرهم
ومرخه على الناجمه وبشاية العزيز انها تتروح منها وسلامتك

رد: ورم فى رقبه الحواره




الله لا يهينكم وبيض الله وجيهكم

ومشكورين على الرد والتفاعل