اللقحا وش علتهايالربع؟؟؟؟؟

مساكم الله بالخير
يالربع عندي القحا باقي لها شهرين على الولده يوم جاء قبل ثلاث ايام جاها بلاء ماعاد تاكل ابد
وممشاها خفيف يالله انها تسير كن في رجلها بلاء وظهور دم ناشف في حياها وما ادري وش علتها
ارجو من اهل الخبره المساعده والحل وبارك الله لكم في حلالكم ومالكم

رد: اللقحا وش علتهايالربع؟؟؟؟؟

هلا يا حسن هل تخرج من الناقه رائحة كريهه وخصوصاً من حيا الناقه وهل عيونها غايره ووجهها منصفق وهل الناقه تجتر ولا لا
تأكد من اللي ذكرت ولي تعقيب على الموضوع ان شاء الله

رد: اللقحا وش علتهايالربع؟؟؟؟؟

هلا يا حسن هل تخرج من الناقه رائحة كريهه وخصوصاً من حيا الناقه وهل عيونها غايره ووجهها منصفق وهل الناقه تجتر ولا لا
تأكد من اللي ذكرت ولي تعقيب على الموضوع ان شاء الله

هلا يابندر
الناقه مافيها ريح ابد اما العيون غايره والوجه منصفق والناقه تجتر

لاهنت وعسى والديك في الجنه

رد: اللقحا وش علتهايالربع؟؟؟؟؟

لا يكون ماكله شي وممغوثه !؟؟

رد: اللقحا وش علتهايالربع؟؟؟؟؟

تبي شوري .. خذ عينه دم وافحص ناقتك .. عندي ناقه نفس قصتك .. وجهها صار مسلسل درامي حزين .. وكله دموع وحالها ينشف يوم ورا يوم .. ويالله يالله تحترك .. وتاكل اكل عادي وتجتر ..

اخر شي تطلع انزيمات الكتب مرتفعه والحديد نازل .. عطيتها معاصير حديد وفكيت قيدها وطلقتها في شبك كبير .. وامس اشوفها ما شاء الله بعد شهر صارت طيبه والامور طيبه

رد: اللقحا وش علتهايالربع؟؟؟؟؟

هلا يامبارك ماضنيت انها ممغوثه

وأنشاء الله باخذ لها عينه

لاهنت يالنشمي

رد: اللقحا وش علتهايالربع؟؟؟؟؟

هلا ياحسن اسف على التأخير
خروج الدم اليابس للقحه مره واحده شي عادي اما لا تكرر علامه على وجود مشكله
في الحوار لا سمح الله ويتأكد هالكلام بوجود الرائحه الكريهه كمرحله متأخره .
اما بالنسبة لعدم الاكل فالاسباب كثيره و يدل على ان الناقه مستاجعه من شي
وانا اتوقع ناقتك مستاجعه يامن بطنها ( منغثه )
او من رجليها
استخدام مع هالحاله علاج منظم للكرش اسمه (لكزافيت) وكذلك مضاد اللتهاب مفاصل شامل اسمه على ما اعتقد( بينيل بوتا فون ) وكذلك فيتامينات ( بي كومبلكس )
حسب ارشادات البيطري وجميعها ما تضر اللقحه ان شاء الله
مع ملاحظه تفتيش فم الناقه من الهدب ( الحمام ) اذا لا حظت انها تجتر بشكل متقطع اوبطيأ جداً وان شاء الله ما عليها خلاف

رد: اللقحا وش علتهايالربع؟؟؟؟؟

بيض الله وجهك يابندر وكثر الله من امثالك

ابشرك الناقه طيبه وبخير

ولاهنت وجعل من جابك في الجنه

رد: اللقحا وش علتهايالربع؟؟؟؟؟

الله يبشرك بالخير