السلام عليكم ورحمة الله وبركاتة ابي مشورتكم يالربع عندي ناقة افرطت عليها اختها بركت على راسها وافتكت روحها بس يوم ثارت قامت ترتعد وتصلج بضروسها ورافعة راسها هجت عن البل وبركت ثم انجضعت على جنبها وترتعد ثورتها وثارت وبعدها انخرشت الناقه تضرب يمين ويسار وهي هاجه ابعدت وهي على حالها خليتها خفت تزود حالتها وجيت على وجهتها لقيتها باركة وترتعد وعينها ماهي زينه حاولت اثورها وعيت تثور ولا ناضت ابد هل الناقة منخلعة وش السواة خايف اخليها تتوهن ومستصعب حالها بهالوضع اني اعافرها وش السواة ودمتم