ناقتي لاتخلونها يالربع فزعتكم يالنشاما

السلام عليكم ورحمه الله وبركاته
كل عام وانتم بخير


يالربع عندي ناقه لقحه ملاقي فيها مشكلتين المشكله الاولى جرت شهر كامل من تاريخ ضرابها ولاولدت ومخورم مره
المشكله الثانيه اليوم سارحه مع البل طبيعيه ويوم رجعت البل ورجعت الناقه معهن تضلع من رجلها اللي وراء يمين مع العلم انها ماهجت ولاطاحت ويالله تمشي وان بركت بالقوه تقوم من رجلها تضلع منها

رد: ناقتي لاتخلونها يالربع فزعتكم يالنشاما

ان شاء الله انها عاديه

لاتعجل عليها ولاتكلفها بالمسراح البل بعضها تجر الشهر وخصوصا اذا كان حسابك لها بالهجري لان الهجري يختلف عن الميلادي
وهل حسبت لها من اول ما اضربها الفحل او من اول مابينت عشارها

ان شاء الله ما عليها خلاف واذا بغيت تطمئن جبلها بيطري يكشف على الجنين ويطمنك

رد: ناقتي لاتخلونها يالربع فزعتكم يالنشاما

ماعليهاااا خلاف بأمر الله

رد: ناقتي لاتخلونها يالربع فزعتكم يالنشاما

سحب الرجل يعني التعديل. بمعنى الحوار يستعد للخروج الأسبوع هذا بمشئة الله تتنتج
لابد من تسجيل تواريخ الضرايب بالميلادي
والمسراح لاتاقف منه خل تمشى براحتها وانتبهو لها فترة المساء من كسرت الشبك والمسرا
تقبل فائق تحياتي

رد: ناقتي لاتخلونها يالربع فزعتكم يالنشاما

ماعندك مشكله الوضع عايدى

رد: ناقتي لاتخلونها يالربع فزعتكم يالنشاما

لو تخليها فشبكها ازين لان المسراااح يزيد مشكلة رجلها

اما جرة الناقه ف طبيعي جدا اصبر عليها ولاتستعجل

رد: ناقتي لاتخلونها يالربع فزعتكم يالنشاما

الوضع عادي ونا اخوك
ومثل ما قالوا اخواني خلها تسرح مع البل

رد: ناقتي لاتخلونها يالربع فزعتكم يالنشاما

وانت بخير وصحه وسلامه اما عن الناقه انشاء الله ماعليها خلاف وانا اخوك البلاء اللي فيها عرق في الخف وبروح انشاء الله

ولاتخليها في الشبك يابوعايش خلها تسرح مع البل والله يرزقك منها الأنتاج اللي يسرك

مع اطيب التحايا

رد: ناقتي لاتخلونها يالربع فزعتكم يالنشاما

الله يجزاكم خير يالربع ويبيض وجيهكم

رد: ناقتي لاتخلونها يالربع فزعتكم يالنشاما

شي طبيعي الناقه تجرا احيانا اكثر من الشهر اما عن سحبت الرجل فهو شي طبيعي اذا صار اكله جيدا ومايضرها انشالله والله يرزقك منها بكره فرديه وتعطيني ولده فحل لابلي