القعود ما يعشر وش الحل

السلام عليكم ورحمة الله وبركاته
يا جماعة عندي قعود سنه ثني يظرب لا كنه ما يعشر وش الحل

رد: القعود ما يعشر وش الحل

صباح الخير الأخ ماجد

هل قعودك ألقح وهو جذع ؟

أصبر عليه البعارين تضرب ذالأيام ولا ألقحت أنا هاده في البل من شهر يضرب شبه يومي ولا ألقح علماً بأن سنه رباع وإنتاجه موجود
وفقنا الله وإياك لما يحب ويرضى

رد: القعود ما يعشر وش الحل

كم لك من هديته

هل القح العام الماضي ولا لا

القعود يسرح ولا مربوط

رد: القعود ما يعشر وش الحل

لم يلقح ابد
القعود يسرح

رد: القعود ما يعشر وش الحل

كم لك من هديته هالسنه

رد: القعود ما يعشر وش الحل

مرحبا بالجميع
انا امس في مجلس رجاجيل شرواكم
يسولفون عن واحد عنده بعير فاخر اوضح توه يلقح والعالم تبارك له
سنه ناب وتوه يلقح
الصبر زين وانا اخوك وبعض القعدان ماتلقح ابد وبعضها تتاخر
الاسباب مايعلمها الا الله

رد: القعود ما يعشر وش الحل

اصبر وبيلقح ان شاء الله

رد: القعود ما يعشر وش الحل

خله على مذهبه وانا اخووووووووووك
بيلقح ان الله اشاء
لا تعجل عليه
والله يبارك لك فيه

رد: القعود ما يعشر وش الحل

عط البعير فيتامينات ( هـ سيلينيوم ) وتمر وبرسيم
واحمه عشر أيام وهده
وإن شاء يلقح

رد: القعود ما يعشر وش الحل

عط البعير فيتامينات ( هـ سينليوم ) وتمر وبرسيم
واحمه عشر أيام وهده
وإن شاء يلقح

+
ابرة فيتامين AD3 مهمه جدا للخصوبه

وباذن الله يلقح

رد: القعود ما يعشر وش الحل

اصبر عليه لاتستعجل يمكن الابل ماجسرن او ان البعير مايملى الحوافظ زين اصبر وانشاء الله بيعشر

رد: القعود ما يعشر وش الحل

لا تستعجل عليه الوضع عادى

رد: القعود ما يعشر وش الحل

شف وانا اخوك اغسل البعير زين في ضحويه يكون الجو دافي

واحمه مدة اسبوعين

وبعدين فكه يسرح مع البل اقل شي خمس ايام وبعدها هده في البل

وبأذن الله بيلقح

رد: القعود ما يعشر وش الحل

السلام عليكم ورحمه الله وبركاته
اخي خذ نصيحه من مجرب اذا الفحل يستاهل وده لمستشفى الملك فيصل بالحساء ويفحصونه لك
اذا ما فيه شي خله مع ابلك واذا قالو فيه مشكله عرضة السوق وعلم الي بيشريه وسلامتك
انا صار عندي فحل مثل الحاله ولا نفع وبعت قصب والله لا يخسر مسلم

رد: القعود ما يعشر وش الحل

اهل الحلال يقولون الثني وني لآ تستعجل