وش علاج الناقة

رد: وش علاج الناقة

التركيز الوقائي عل الكبار منها يانايف
وهي إبرة الهيام الهنديه الأقل سعر وجوده عاليه
وانصح الجميع بالمتابعة الدوريه على حبوب الدود أو شراب الدود بشكل منتظم
تلافي لأمراض الدم مستقبلاً
والله يوفق الجميع

رد: وش علاج الناقة

جزاك الله خير وبيض الله وجهك لكن الابره الهنديه وحبوب الدود تضر اللقحات او لا

رد: وش علاج الناقة

للفائدة فقط .. بعد إذن الأخ محمد الوهبي التميمي يوجد علاج خاص لطفيليات الدم وهذا العلاج يختلف عن علاج الهيام بس والله ناسي اسمه عموماً هو غالي شوي قيمة العلبة فوق المئتين ريال وناقة الاخ اللي يكفيها 6 مل فقط في بعض الصيدليات يسحبون من العلبة ويعطونك في حقنة 6 مل تقريباً قيمتها 40 ريال

رد: وش علاج الناقة

اخوي نايف اللي واضح من صور الناقه ان هذا ابو دبه وهو اخر مراحل الهيام اول شي اعزل الناقه في شبك ولا تخليها تسرح لان اي مجهود خطر عليها الشي الثاني عطها ابرة هيام فرنسيه وعطها حبوب او شراب دود والهيام هو من انواع الطفيليات اللي تصيب البل وعلاجبه بابرة الهيام بالنسبه للاخوان الله يعطيهم العافيه اللي ذكروا ابرة للطفيليات. حبيت اوضح ان الطفيليات انواع. اذا حولك مختبر من الافضل انك تحلل الناقه عن طفيليات الدم وبيبين وش نوع الطفيل اللي فيها لانه احتمال انه يجتمع اكثر من طفيل في دم المطيه المصابه وذا عرفت وش الطفيل اللي فيها تعرف وش نوع العلاج لان لكل طفيل علاج خاص. مثل طفيليات الهيام علاجها ابرة الهيام. الفرنسيه والهنديه طفيل السلاريا. علاجه البيوتلكس وفيه طفيليات ماني عارف اساميها صعب نطقها علاجها الامازول اذا ماحولك مختبر عطها بيوتلكس الغرشه فيها 40 سم عطها 20 سم وطمرها يومين اليوم الرابع عطها 20 سم ملحوظه لازم الجرعه تفرقها 10 سم 10 سم في الخويرم

رد: وش علاج الناقة

البيوتلكس منه شركات الاصلي البيوتلكس الانقليزي سعره ٢٤٠ تقريبا وفيه منتج اردني اسمه بيوتكس نفس مادة البيوتلكس فيه سعره ١٢٠ ريال واتوقع ان البيوتلكس هو اللي يقصده الاخ عبدالرحمن واعراض المطيه اللي مصابه بطفيل السيلاريا. ماتسمن تبقا على حالها حتا لو الاعلاف منقعه عندها وعينها شينه ومرات نشيطه واليوم الثاني خملانه وعينها شينه ولا تاكل زين واكلها في الليل ازين من النهار وذا راحت للحوض تشرب ماعاد ودها تفارقه وشعرتها محقه وسبب هالطفيل السلاريا القردان هي السبب الرئيسي للاصابه بهذا الطفيل