الفزعه ياخوان

اصعدة ناقه عندي دونها ثلاث اشهور والظاهر ان ولدها ميت في بطنها لان ريح حياها كريه والحين منصفقه واكلها ضعيف وجهها شين واكرمكم الله تذرق ماء وش السواه يالنشاما
علما انا نعطيها عجين مع حلبه الصبح وغداه خبز وتبن اعزكم الله والعشاء مكعب وشعير ناقع بماء اكلها في الغداء احسن من العشاء وتثاوب كثير وتبرك كثير في السراح
وانا شاك في رجال مدحها ولاعاد هي طيبه عقبه علما ان الناقه ماهي مزيونه لكن عمرها كايف

رد: الفزعه ياخوان

هههههههه الله المستعان استعين بالله واحتسب , اما الناقه فلها ابره الالتهاب وتلقاها عند الدكتور البيطري وان شاء الله يزين حالها .
لا تخلي الناس تمر حلالك يبو محسن العين حق

رد: الفزعه ياخوان

الاخ يزيد
بعد التحيه الناقه فيها هيام وابعدها من الابل من حل في وادي الهيام يهام

رد: الفزعه ياخوان

ناقتك فيها شمم والله العالم

لكن مايضر بإذن الله عطها حلتيته موية الحلتيته

وانت ماذكرت السلا اعزك الله يمكن الناقة ما نظفت للحين

عطها ابرة تنظيف

او كاسة شاهي رشاد حطها في قارورة موية لتريت ورجه على طول ثم غرها إياه

ولا يضرها الرشاد بإذن الله



وانصحك بالعلف الصاحي لو هو قليل

التثاوب للناقة يدل على الديدان عطها كورس للطرد الديدان





والله يستر على ناقتك

رد: الفزعه ياخوان

جزاكم الله خيرا ياخوان
ابوسالم وش ابرة الالتهاب
ابن عيران الناقه مافيها هيام ومع ذلك معطيها علاج هيام
عزيز الحميدي معطيها كورس دود قبل تصعد
وبالنسبه لسلا الناقه طارحته ونظيفه
لكن يمكن مثل ماقلت شمم
اكرر شكري للجميع
ولي عودة اخبركم وش صار

رد: الفزعه ياخوان

ياخوان كويت الناقه بين الديس وسر الناقه امس ولا تغير شي والناقه تذرق ماء
واكلها ضعيف وتبرك كثير
وش السواة يااخوان

رد: الفزعه ياخوان

يابو محسن لا تهمل الناقة

عطها ابرة تنظيف للرحم
وابرة التهاااااااااااااااااب

الناقة أكيد ان رحمها فيه إشكالية
والا كثر لها من الثفا خله يطهر رحمها
وعسااااااااااك ماتشوف شر في حلالك

رد: الفزعه ياخوان

جزاك الله خيرا اخوي طلال

رد: الفزعه ياخوان

الناقه فيها ريحه كريهه اكلها ضعيف صحيح
عطها ابرة لالتهابات المسالك البولية وفيه بودره حطه لها في قارورة مويه صحه كبير وخلها تشربه

رد: الفزعه ياخوان

يامرحبا يابوجمال
وش اسم الابره والبودر لاهنت

رد: الفزعه ياخوان

صبحك الله بالخير

الله العالم عندي كانت حالة مثل حالة ناقتك وهذي مواري كوكسيديا ولها علاج مع البيطري عجل عليها قاروره بيضا بغطأ احمر تعطا مرتين كل مره نص قاروره والمره الثانية بعد يومين

البركة الكثيرة و قلة الحركة ولا تحب حرارة الشمس

ابعدها عن الحلال و رش المراح الي كانت فيه بسم

رد: الفزعه ياخوان

يامرحبا يابوجمال
وش اسم الابره والبودر لاهنت

مايحضرني اسمها لكن موجوده عند البيطري
لاني سبق واعطيتها ناقه عندي نفس حالت ناقتك والحمدلله طابت بفضل من الله

رد: الفزعه ياخوان

كثره التثاؤوب تدل على العين ...

وهذا من كلام شوابنا .. عندي ناقه كثير تثاوبها .. وتميت اغرها ماي مقاري عليه .. وهيه لها ثمان سنين ما لقحت .. وابشركم انها لقحه من اسبوع تقريبا ولله الحمد والمنه

ركز على القران وعطها مثل ما قالوا الاخوان ابره التهابات وابره تنظيف .. ولا تغفل منها وجيب لها طبيب فاهم وخله يفحصها فحص شامل ومن ضمنه الدم وشوف هل فيها التهاب ولا لا ....

والله يشفي لك حلالك

رد: الفزعه ياخوان

ركز عل الرشاد
وابحث عن أساب الاصعاد
والحراره ومشاكل المالطيه تسبب الأصعاد
يوجد مختبرات لتحليل الدم وتحديد المشكلة