الفزعة والرأي ياأهل العرف

سلام عليكم ورحمة الله


يالربع عندي حوار له يوم ولاد توه بس يده ماهيب مضبوطه مايله ماهيب معتدله وهو يقوم ويرضع بس يده تقول عايب !!!


والحين وش رأيكم اصبر يومين والا ادور له علاج



وشاكر لكم

رد: الفزعة والرأي ياأهل العرف

ارحب يانواف اذا كان مايل ميلان خفيف ماعليه الشمس له طيب والحليب
بس مساله وقت ولا عليه مايضره انشالله

رد: الفزعة والرأي ياأهل العرف

لاهنت ياصالح وبيض الله وجهك



ويالربع اللي يعرف ينزل الصور من باب الفزعة يعلمني وارسلها له وتس اب



ولاعليكم امر

رد: الفزعة والرأي ياأهل العرف

مايهمك
دواه الحليب والمشي والشمس
ابعده عن العزبه وخله يتبع امه ويرضع وكلها اسبوع تشوفه مثل الضبي باذن الله

رد: الفزعة والرأي ياأهل العرف

ابعده عن الارض الدكاك الدثه موقتا

رد: الفزعة والرأي ياأهل العرف

حاتم وسعود الله لايهينكم ويبيض وجيهكم


بس اليد مايله للجنب على برا واخاف اهمله وتزود وانا اقول ليونه والا عيب خلقي



مررررررررة ثاااااااانية شاكر للجميع

رد: الفزعة والرأي ياأهل العرف

اتركها يانواف الحليب علاجة والناقه مجهم ولا لا
انا جاني بكره ونفس الشي وبدت تحسن عقب اسبوعيين والحين ماتلحق
اتركها بس ولا عليك

رد: الفزعة والرأي ياأهل العرف

هلا يايزيد والله يسمع منك


واللون عفر طال عمرك وان شاء الله بدور احداً ينزل صور ليد القعود




شاكر لك وبيض الله وجهك

رد: الفزعة والرأي ياأهل العرف

اصبر عليه لين يزل له اسبوع من ولادته وعطه حبة نحاس الخضراء الصغيره وفيه استرس فيتام مجموعة فيتامينات ممتازه للحيران تعطا عن طريق الفم من ثاني يوم نتايجها خياليه بس انقطعت حسبي الله عليهم دايم الشي الزين ينقطع شف فيتامينات نوع ثاني وعطه عن طريق الفم ان نفعته ولا ماهي ضارته

رد: الفزعة والرأي ياأهل العرف

مايحتاج لأي علاج
طبيعي ويتغير عليك بعد اسبوعيين للأفضل أن شاء الله

رد: الفزعة والرأي ياأهل العرف

الاخوان متعب ومحمد بيض الله وجيهكم

القعود بلاه من تحت مفصل الركبة مايلتن يده للجنب بالحيل وباقي اليد من فوق عادية

واليوم مريت البيطري ويقول هذا عيب خلقي ماله طب بس عطاني فيتامينات فالفم وبجربها وعلى الله وبالنسبة للكالسيوم قال مايحتاج لأن الحليب كله كالسيوم



بس وش فايدة حبوب النحاس ؟




الله لايهينكم جميعاً*******

رد: الفزعة والرأي ياأهل العرف

عطه حبة نحاس كل خمس ايام

وفائدتها تشد الاعصاب

رد: الفزعة والرأي ياأهل العرف

الله يبيض وجهك يامسعود


وكيف طريقة استخدام هالحبوب ؟؟ وهل اخليها لحالها والا مع الفيتامينات ؟؟


وسوال ثاني كيف تستخدم الفيتامينات البيطريين عندنا اختلفوا


احد يقول استخدم اربعة ايام ثم وقف وارجع بعد ثلاثة او اربعة ايام

والثاني يقول استخدم الفيتامينات لين تنتهي لاتوقف

رد: الفزعة والرأي ياأهل العرف

ياطويل العمر اهم شي لاتشبعه حليب ولاتجوعه خير الامور الوسط

رد: الفزعة والرأي ياأهل العرف

بيض الله وجهك يافلاح



والله انا مانرده عن امه بس الربع يقولون الحليب زين له يلقى فيه كالسيوم




لاهنت يالذيب