ورم في بطن الناقه وشهو

عندي ناقه الها اسبوع ووجها شين اكلها لاباس لكن ماهي حريصه عليه ودايم بارك ولاتتبع الابل
شفت فيها البارح نفخ فيبطنها علي عرق الحليب يمشي الي الديس ويكبر علما الناقه لقحه وتلاقي ان شاء الله
بعد شهرين ونص
وش هالمرض هل الهيام يجيله نفخه على الحالب

رد: ورم في بطن الناقه وشهو

هذي طفيليات في الدم عطها ابرة هيام هندية لأن ابرة الهيام تفيد في بعض حالات طفيليات الدم المختلفة عن الهيام واذا ماراح النفخ عطها علاج خاص بطفيليات الدم

رد: ورم في بطن الناقه وشهو

بيض الله وجهك ياعبد الرحمن
عطينا الناقه حبوب الدود لكن هل يضر لقاحها

رد: ورم في بطن الناقه وشهو

الأعراض تتشابه وفالغالب تجمع السوائل تحت الجلد للقحات يكون طبيعي
بكل الأحوال عدم الاستعجال بأي علاج إلا في حالات واضحه خصوصاً أنها عل وشك ولاد
وانصح عدم استخدام أدوية الهيام إلا بعد التحليل المخبري
تقبل فائق تحياتي

رد: ورم في بطن الناقه وشهو

جزاك الله خير اخوي محمد