السلام عليكم يالربع عندي بكرتين تاكل الوبره عطيتها ملح الابيض والاصفر وجبتلها حق الفيتامينات والاملاح من البيطري
ولا نفع فيها افيدونا بحل حسب خبرتكم وش السواه وش رايكم في الكوي
ولا نفع فيها افيدونا بحل حسب خبرتكم وش السواه وش رايكم في الكوي
-
-
رد: ياهل الابل وش الحل مع اللي تأكل الوبره
عليكم السلام
انا عندي بكره مفروده سويت فيها كل شي مافاد
الا شي واحد خذ لك قاروره حط فيها ماء وحط معها شوي جره لا تكثر تذبحها نص غطا بس
ورجها وعطها بتجلس تطرش شوي وعقبها مره وحده وفيه حل ثاني اشتر جلال غزل وجلل الحشو اللي معها
انتبه من الكي وانا اخوك مهب جايب فايده وترا الماء مع الجره انا اللي مجربها اتمنى اني افدتك -
رد: ياهل الابل وش الحل مع اللي تأكل الوبره
عليك بالملح الازرق بودره تجده عند الصيدليه البيطريهتعليق
-
رد: ياهل الابل وش الحل مع اللي تأكل الوبره
مساء الخير
عطها برسيم خضر برسيم مهو ملبن
خضر طازة ههههههه
بس داوم علية مدة 15 يوم بذن الله
تترك اكل البرة( اللهم سخر لي الأرزاق والفتوحات في كل وقت وساعة وهون علي كل صعب ويسر علي كل عسير اللهم أقذف في قلبي رجائك وأقطعه عمن سواك حتى لاأرجو أحدا غيرك ، اللهم وماضعفت عنه قوتي وقصر عنه عملي ولم تنتهي إليه رغبتي ولم تبلغه مسألتي ولم يجري على لساني مما أعطيت أحدا من الأولين والآخرين من اليقين فخصني به يارب العالمين
تعليق
-
رد: ياهل الابل وش الحل مع اللي تأكل الوبره
عليك بالملح الازرق المعلق عندي حاشي كان ياكل رمل بعد . ولله الحمد راحت هذي العاده منهتعليق
-
رد: ياهل الابل وش الحل مع اللي تأكل الوبره
بيض الله وجه كل من نفعتعليق
-
رد: ياهل الابل وش الحل مع اللي تأكل الوبره
انا ما نفع معاى الا الجلال و سلامتكتعليق
-
رد: ياهل الابل وش الحل مع اللي تأكل الوبره
.
البل م تآكل وبر بعضها الا اذا كآنت محجورهـ ,
آتوقع والعلم عند الله آنه شي نفسي من الضيقه ,,
هالحين الآدمي لو صك عليه بمجلسه ساعتين حمر وصفر ,,,
فكهآ وتششوف الفرق ,,,,تعليق
-
رد: ياهل الابل وش الحل مع اللي تأكل الوبره
اكل الوبر عادة شينه في بعض البل
من واقع تجربه خذلك فلفل احمر مطحون وخلطه مع الماء بقاروره وكثر الفلفل ورشه على ظهور الابل اللي توكل وبرتها
واذا اكلت الوبر وذاقت الحرارة خلاص كم يوم وتنسى العادة الشينه
هذا الحل الوحيد نجح معي
وشكراتعليق
-
رد: ياهل الابل وش الحل مع اللي تأكل الوبره
بيالة فيري صبها في قارورة مويه ام ريال وصب عليها مويه ولا ترجها وكربزها مع فمها ودقها ابرة جرب
وكرر الجرعه بعد خمسة ايام بدون الابره وتشوف النتيجه ان شاااللهالبل تبي رجل قويه عزايمه ــــــــــــــــــــــ دايم على طرافها مشتقي بهاتعليق
-
رد: ياهل الابل وش الحل مع اللي تأكل الوبره
ياخوك ماله الا واحد من اثنين *
انك تعزل اللي ياكلن الوبر برى الشبك تخليها تمرح برى الشبك وترى ما يروحون عن امهاتهن !
ولا الجلال !
وفي الاساس سسبها نقص في الاملاح وعاده *
وبدايتها دايم من المفرّد والحقايق ومن ثم تتعود البل كلها على هالعاده*
ولازم تعوض الاملاح .. واحسنها الملح الازرق البودرة
والوصفة عند البيطري !sigpic
لاضاق بالي رحت صوب المجاهيم
اللي تنومس راس منهو قناها
لاشفتها رحبت ترحيبت الغيم
لاصار لايح برقها في سماها
يا مرحبا باللي تفرجّ من الضيم
يا مرحبا باللي طوالً خطاها
..تعليق
-
رد: ياهل الابل وش الحل مع اللي تأكل الوبره
السلام عليكم
مشكلة النتف من الشبك صارت معي في بكره خليتها في الشبك لحالها شهر وفكيتها مع البل والحمدالله ما تنتف الحين يجوز انها نست
تعليق
-
رد: ياهل الابل وش الحل مع اللي تأكل الوبره
الحل حشلها رمث
البارز المالك / هليل بن ضويحي الغضوري العنزي
تابعوني على تويتر aaadel5575@ عادل الضويحيتعليق
-
رد: ياهل الابل وش الحل مع اللي تأكل الوبره
بنقل للقسم المختص
وهناك تجارب كثيره طرحت بالقسم نرجو مراجعتهاــــــــــــــــــــــــــــــــــــــــــــــــــ ــــــــــــــــــــــــ
كلمتان خفيفتان على اللسان - ثقيلتان في الميزان
سبحان الله وبحمد - سبحان الله العظيم
ــــــــــــــــــــــــــــــــــــــــــــــــــ ـــــــــــــــــــ
____________________
.
تعليق
-
رد: ياهل الابل وش الحل مع اللي تأكل الوبره
انا مع اخوي يوسف الحمد الفلفل هو الحلتعليق
تعليق