الفزعه الفزعه ياهل الخبره والمعرفه

عندى خلفه توها والد اليوم قبل الظهر والا الان مااسلت وماكلت ولا شربت وخاطرها شين نرجوا المساعده والمشوره

رد: الفزعه الفزعه ياهل الخبره والمعرفه

شف المخاض اذا طول في المطيه ولا كلت يطول سلاها ماينزل

والحوار المسحوب بقوه امه تبطي ماتسلي

---------------

عطها رودس ولا ذره خلها تاكل وتملي بطنها بينزل مايطووول

رد: الفزعه الفزعه ياهل الخبره والمعرفه

شي عادي ونا اخوك بعض الابل تاخر يوم معك الى بعد الظهر بكره طلع
او عطها ابره من البيطري يسهل خروجه وسلامة الجميع

رد: الفزعه الفزعه ياهل الخبره والمعرفه

عادي ممكن تتأخر الى اليوم الثاني لكن لاتعجل على الابرة لان الابرة لها مضار وخطورة ممكن تسبب في نزول رحم الناقة وكله بأمر الله

رد: الفزعه الفزعه ياهل الخبره والمعرفه

صبحكم الله بالخير مرة علي و سمعت بان بعض اهل الحلال يربط في الحبل السري الي طالع مثل الوزن البسيط للمساعده في الخروج و يفيدونك اهل الخبره

رد: الفزعه الفزعه ياهل الخبره والمعرفه

صبحكم الله بالخير مرة علي و سمعت بان بعض اهل الحلال يربط في الحبل السري الي طالع مثل الوزن البسيط للمساعده في الخروج و يفيدونك اهل الخبره

نعم تاخذ شراب و تحط فيه رمل كبر البرتقاله وتربطه بقرينات السلا الله يكرمك ويجي محول بس راقب اللون الازرق وريحة التعفن اذا لاحظتها ما لك الا الطبيب
الشراب الي تلبسه على الرجل لا تحط نايلون او شي يصدر صوت الشراب احسن شي.

رد: الفزعه الفزعه ياهل الخبره والمعرفه

سبق اني قريت في المنتدى انك تاخذ تمره كبر الجمع وتحط في وسطها رماد وتلقم الناقة وينزل سلاها باذن الله

رد: الفزعه الفزعه ياهل الخبره والمعرفه

مساء الخير كلام اخي عبدالرحمن صحيح وفيه طريقه انا صار لي خمس سنوات اجربها ومفعولها طيب اللي هي لقمة تمر فيها رشاد مقدار بياله وبتحذف سلاها على طول إنشاءالله هذا من واقع تجربتي انا واما بالنسبه لثقل فهذه طريقه ثانيه وناجحه بأذن الله ميه بالميه ومجربه بعد ولاعليها خلاف إنشاءالله*******