البل تغض وتزبد

السلام عليكم ورحمة الله وبركاته
من ثلاثة ايام صار عندي 3 من النياق تغص وتزبد وترجع تقول بتموت
المشكلة مش عندي وحدي ثلاث اعزب رعيانهم يشتكون من نفس المشكلة وانا اعلف با الوافي من اكثر اربع سنوات
الي عنده حل يفزع لنا

رد: البل تغض وتزبد

والله ماعني علم اكيد ولاكن انا عندي ناقه اوقات تغص في الشعير اذا كانت مع البل
واعزلها لحاله وتاكل على راحتها وما عنده مشكله

رد: البل تغض وتزبد

81 مشاهده ولا رد الا واحد الله يجزيه خير

رد: البل تغض وتزبد

والله ماعني علم اكيد ولاكن انا عندي ناقه اوقات تغص في الشعير اذا كانت مع البل
واعزلها لحاله وتاكل على راحتها وما عنده مشكله

كلام أخوي فواز صحيح 100% بعض البل شحوفه في الأكل وتاكل بسرعة وبالأخير تغص فيه .
وهذا بعد يرجع لكمية الأكل فلو كانت الكمية كافية ما لقيت نفس المشكلة .

عموماً جرب أعزل الناقة اللي تغص وعلفها لحالها وبتلاقيها تاكل براحة ولا تغص ولا شيء .

ولكم تقديري .. أبوعبدالرحمن

رد: البل تغض وتزبد

تاكد من النياق ممكن (نحاز)والله اعلم

رد: البل تغض وتزبد

مرحبا أخوي منصور
علوم البل عطنا علومهم وعساها طيبه
لي عوده للموضوع

رد: البل تغض وتزبد

هلا اخوي محمد
والله البل عادها تغص الا زاد العدد قبل ثنتين الحين صار عددهن

انا اعلفهن الوافي واليوم عمدت الراعي يعلف شعير بجرب لعل وعسى

رد: البل تغض وتزبد



انا عندي نفس المشكله الأيام هاذي في الوافي ..جرب تنثر ملح مع الوافي او تحط مويه مع الوافي بكميه قليله

رد: البل تغض وتزبد

هلا اخوي محمد
والله البل عادها تغص الا زاد العدد قبل ثنتين الحين صار عددهن

انا اعلفهن الوافي واليوم عمدت الراعي يعلف شعير بجرب لعل وعسى

عطهن ابرة نحاز يومين فقط (النحاز معدى مهوب لازم تكح صارت معى)

رد: البل تغض وتزبد

ابرت النحاز ما تضر اللقحه البل كلها اللقحات

رد: البل تغض وتزبد

ابرت النحاز ما تضر اللقحه البل كلها اللقحات

استخدمت نوعين ابرة نحاز ما ضرت اسئل الدكتور وعلمة انهن القحات توكل على الله

رد: البل تغض وتزبد

السلام عليكم ورحمة الله وبركاته
ابشركم الابل زان حالها بعد ما سالت بيطري عنها وقال هذا فيها فيروس في راس المعدة وانه معدي وصحيح المشكله بدت مع ناقه لين صار عددهن خمس ولا تقدر تجتر علشان كذا تغض وترجع ويلزمها مضاد حيوي ثلاثه الي اربعه ايام اسم CIPROTIL مع فتامين واظاهر ان الفتمين ما له داعي بس البيطري يبي يصرف بضاعته والابل معاد تغض من ثاني ابره وحبيت اشاركم العلومه علشان يعم النفع
والمشكله ان كل الاعزب الي حولي عندها نفس المشكله

رد: البل تغض وتزبد

ما ادري ليه هذا السكون في المنتدي ما عاد مثل قبل اذا تستفسر الكل يرد
الحين 500 مشاهده 10 ردود

رد: البل تغض وتزبد

الامراض كثرت والواحد ماوده يتطبب في حلال المسلمين الا شي يعرفه

رد: البل تغض وتزبد

العلم عند الله ولكن بذكر تجربتي

انا عندي نياق جتها هالمشكة وانا ماقد علفتها الا مكعب المراد ان ولد عمي كانت عنده نفس المشكلة ويوم نشدته قالي كانت عندي وصرت اذا حطيت المكعب في المعلف يخلي العامل يرش عليها ماء وانتهت المشكلة الحمدلله

وفعلاً جربتها والحمدلله انتهت عندي المشكلة