عجل يا النشاما وش حل القراد

السلام عليكم

يالربع انا عندي بعير كبير شب فيه القراد

من داخل ثفنته وعلى ذكره وقالي رجال رشه بالبف باف اللي هو مبيد الحشرات الاحمر

هل كلامه صحيح ولا وش السواه

وهل يضره كثرت القراد

رد: عجل يا النشاما وش حل القراد

لاتعرضه البف باف تراه يحرقه مثل الأسيد
تعهده بالجارّة كل ثالث يوم والقراد ذالسنة
شاب شبوبه تقول انه ينبت من الأرض وقذا
الحلال في مفاليه

رش مراح ابلك كل شهر وركز الجارة للمراح
اما رش الإبل خففها
وسلامة الجميع

رد: عجل يا النشاما وش حل القراد

انا بخيته بالبفبااف الابل كلها والبعير ..

وكمان الجرة لكن يبالك كل كم يوم تعيدها له ..

رد: عجل يا النشاما وش حل القراد

يا معن الهزازي وش صار معك ومن كم فتره رشيتها

رد: عجل يا النشاما وش حل القراد

ألزم كلام شجاع من غير قصور في هزازي .

..

رد: عجل يا النشاما وش حل القراد

كل من لقيت القراد كثر رشيته بي بف باف ..
.
.
.
وعلى فكرة الجرة مرات ومرات مو دايما ..

رد: عجل يا النشاما وش حل القراد

كنت اتوقع كثرت القراد عندي بس إثر الدعوة عام الله يكافينا البلايا
بصراحة كثرته مخيفة وانتشاره غريب ما شافته عيني
لكن انصح بعدم رش المراح لاني بعد ما رشيته انتشار غريب
والاكتفاء برش الإبل بالجارة عند الحاجة مع مراعاة الوقت ليبرد
الوقت وحاول تغير المراح والفحل فك رباطه وخله مع الإبل
بالقياد
وحصلت علاج مبتكر من احد الأخوة وما جربته واذا جربته افدتكم
ان شاء الله

رد: عجل يا النشاما وش حل القراد

الحل ان راعي الابل مايقيض بالرمث ويدور الخله والقاع النظيفه والابل اذا تبي الرمث بتعشي فيه قبل المغرب

لكن انك تدمسها وسط الرمث والشجره وتقول ذبحنا القراد ! عليك بأبرة سوبر فيومك 15 سم ماعاد يقربه القراد لأنه كل ماعرق

البعير تطلع ريحة الدوا وماعاد يقربه....وسلامتك وتعيش...

رد: عجل يا النشاما وش حل القراد

نعم ابرة الجرب اما افمك امريكي ولا زرقا ام غطا في اللحم وبعد اسبوعين عد عليه ولا ماكنك سويت شي البيطري يعلمك
وان زاد خذه بعصى ههههههههههه