الهرش الي لقاحه ضعيف

يربع من يذكرلنا اعلاج للهرش الي لقاحه ضعيف وكل مامنه طيب بس مشكلت الاقاح

سويتله تحليل العام وقالو انه عنده الخصاب ضعيف ولا امداني عليه العام ودي اتسبب فيه

يمكن الله يعطينا منه

وش رايكم ومن عنده طريقه مجربه تنفع الجميع

رد: الهرش الي لقاحه ضعيف

انت اضربه هالسنه يمكن يعشر واذا مااعشر تطبب به هذا رائيي يمكن الله كتب له الشفاء ويعشر جرب
اما بالنسبه للعلاج يفيدونك الاخوان ان شاء الله

رد: الهرش الي لقاحه ضعيف

سلام عليكم
فيه واحد من الربع عنده نفس المشكله بعير البل لقاحه ضعيف وياخذ علاج من الرياض تخصيب للحيوانات المنويه وتلاقح عليه البل

رد: الهرش الي لقاحه ضعيف

اخوي صاحب البعير مساك الله بالخير اخذ لبعيرك لقاح النخل شفه في محل وادي النحل خذله اربعين علبه واخذ من العطار كيلو حلبه مطحون وحطله كل يوم علبه من اللقاح وكاسه من الحلبه على شكل لقام ولا تضربه مدة عشرة ايام وبعدها ضرب البعير واستمر على العلاج اربعين يوم وخل البعير على يده وبتشوف اللي يسرك والكلام هذا من تجربه

رد: الهرش الي لقاحه ضعيف

يمدحون الحلبه

رد: الهرش الي لقاحه ضعيف

دور على ابرة هرمون التستسترون البشرية
ان لقيتها عطه ٤ اضعاف جرعة البشر
وان شاء الله بيلقح

رد: الهرش الي لقاحه ضعيف

ارك عليه الحلبه ( مجربها ) محد قالي ونفعت ولله يعينك لان الكيلو غالي ويبيلك يوميا كيلوين تهلطه مع شوار وشوي ماء