ياجماعه وش سبب جذع البل لعيالها

السلام عليكم ورحمة الله وبركاته
لاهنتو يالربع ابي رايكم وش سبب تجذيع البل لعيالها حيث عندي ثلاث نياق طشن عيالهن وحده بأول القيض و الثانيه بنص القيض والثالثه اليوم افيدوني بارك الله فيكم ماهي الحلول لهذه المشكله .

رد: ياجماعه وش سبب جذع البل لعيالها

نبي منكم الرد لا هنتم يا اخوان

رد: ياجماعه وش سبب جذع البل لعيالها

الله يعوض عليك ان شالله
والحلال يفدى اهله
السبب الاول التمر اذا كثرت منه المطيه ولاهي متعوده عليه هاذا يجدع
والسبب الثاني ( المالطيه) بعد تجدع
حلل النياق الي جدعن عيالهن عن المالطيه
والعلم عند الله

رد: ياجماعه وش سبب جذع البل لعيالها

الله يعوض عليك وفيه سبب رئيسي والبعض يغفل عنه وهو ( الرودس ) ون الاسباب ايضا" الهيام

رد: ياجماعه وش سبب جذع البل لعيالها

النحاز هو السبب في تجديع الحيران

شوف البل اذا كانت تكح وحالها ينسل بين حين وآخر فمعناته البل فيها نحاز ويلزمك ابر نحاز

رد: ياجماعه وش سبب جذع البل لعيالها

الله يعوض عليك

الصعاد له اسباب مختلفة

الجفال له دور

وبعض العلف له دور

المالطية ايضا سبب

الهيام سبب

طفيليات الدم الاخرى سبب

انا اصعدت عندي ناقة وبعد التحليل

وجدت في الدم طفيل اسمه انابلازما يسبب الاصعاد

وناقة ثانية اصعدت وبعد التحليل لم نجد شي

القسمة والنصيب وان الله ما كتب لك من هالناقة انتاج

وسلامتك

رد: ياجماعه وش سبب جذع البل لعيالها

هذي القسمه والنصيب

عندي ناقه اصعدت وبعدها لقحت وولدت

وبالنسبه للرودس ماله اي ضرر ابداااا لان ذودي على رودس ولايضرها

ولكن فيه ناس قالو ابعد الناقه المصعد من البل
جايز يكون الصعاد يعدي

والله العالم

رد: ياجماعه وش سبب جذع البل لعيالها

أضافه الى ما كره الاخوان
البشمه تصعد. سوء التغذية بعد تصعد
كثر الشحم بعد يصعد في المراحل المتاخره
والله يعوضك بخير
الحقيقة ثلاث واجد وأكيد فيه سبب

وبر سلك على الخاص

رد: ياجماعه وش سبب جذع البل لعيالها

حلل عن المالطيه تراها تصعد بالبل

رد: ياجماعه وش سبب جذع البل لعيالها

الشاحم بالمرّة مهددة بالصعاد هذا مافيه شك

وفيه سبب ثاني اللي هو الهجيج يضرها شاحم وغير شاحم

وعسى يخلف لك بأبرك من اللي راح

رد: ياجماعه وش سبب جذع البل لعيالها

نبي رد منك يا علي

حللت البل ولا بعد ياليت تحللها

وتعطينا خبر الله لا يهينك

شكرا