البعير ماياكل العلف

السلام عليكم ورحمة الله
اخواني الكرام عندي بعير ما ياكل العلف من الامام كانه مهدد فيه نفخ ثانيا البعر اعزكم الله صغير ومدبب
ثالثا رابعا فيه دموع اذا مشى يتمايل في مشيته البعض يقول طير والبعض يقول هيام
وانا محتار هل مر عليكم مثل هذا من عنده خبره لايبخل علينا

رد: البعير ماياكل العلف

اعطيه أبرة هيام الفرنسية وشوف

رد: البعير ماياكل العلف

هيام ماهو طير

..

اما الجزء الخير وهو دمن البعير وانتم بكرامه فهذا ماله دخل في الهيام
قد يكون في بعيرك الشويكه + الهيام ,
شفه لابرك يحضب برجلينه على بطنه وكأنه يتجزع من شي ويتمايل ؟
..

عطه ابرة الهيام وقايه وعلاج

رد: البعير ماياكل العلف

اسمع طال عمرك

بعيرك اما فيه هيام او شويكه او طير

ولذلك عطه ابرة الهيام الفرنسيه وانا افضل الهنديه لان طبيب الابل بمستشفى القصيم البيطري نصحني بها واعدها بعد شهر ناقص يومين .
وعطه بيكهيبار او اوربي بيرال وهذا علاج الشوكه

وعطه كربيرال وهذا فيتامين أ وعلاج للطير

لكن رتب هذه الادويه اولا الهيام وبعدها بثلاثة ايام العلاج الباقي لان مافيه تداخل

اخيرا ان اكلمك من باب الخبرة وسلامتك

رد: البعير ماياكل العلف

الحمد لله ابشركم البعير طيب عطيته ابرة طير مع مضاد حيوي ولله الحمد
طيب قبل كان بس بارك ولاياكل وراسه مايركزه يتمايل يمين وشمال
والحمد لله الان في احسن حال

رد: البعير ماياكل العلف

الله يبشرك بالخير وواصل العلاج زي ماقلت لك
والا والله لشتكيك واجيب لك عسكري واخليهم ياخذون عليك تعهد بمواصلة العلاج

رد: البعير ماياكل العلف

الله يبشرك بالخير وواصل العلاج زي ماقلت لك
والا والله لشتكيك واجيب لك عسكري واخليهم ياخذون عليك تعهد بمواصلة العلاج

اشكرك اخوي نواف بارك الله فيك