الفزعة يا أهل البل

السلام عليكم ورحمة الله وبركاته

أسعد الله أوقاتكم

ياالربع عندي ناقة ولدت قبل يومين ولا طاح سلاها إلا اليوم الثاني وطاح نصه وبقى نص
والغريب إن الناقة عيت تدر على حوارها وخلافها احلبها يطلع منها قليل من الحليب
وارضع الحوار يمصمص منها شي بسيط والان ارضعه من ناقه ثانيه بالمرضعه
امه اذا حليتها جاء ربع المرضعه واعطيه واكمل له من ناقه ثانيه

هل عدم الدرير من عدم خروج السلى الباقي ؟
علما" أنني جبت الطبيب واعطاها منظف وبنسلين
وسلامتكم.....

رد: الفزعة يا أهل البل

وعليكم السلام ورحمة الله وبركانه
انشالله خير الناقه وش سنها
ومادام كشف عليها طبيب وعطاها ابرة تنضيف ما عاد باقي من سلها شي انشالله لو هو باقي يمديها ماتت
اما الحليب هل الناقه يوم ولدت فيها حليب بعد الولاده على طول والا ما فيها وعلمنا وش سنها هي بكر

رد: الفزعة يا أهل البل

الناقه نصوف
من يوم ولدت مافيها شي وليلة هي تولد ديدها حافل لكن عقب ولدت راح حليبها ولا درت اصلا"
والناقه ولدت امس

رد: الفزعة يا أهل البل

تكرف ولدها رايمته بديدها ترزم والا لا

رد: الفزعة يا أهل البل

ان كانها ما تطرد ولدها عن ديدها انشالله تدر
عند واحدن من الجماعه خذت اربع ايام ما درت وتباركت عقبها ودرت على البرسيم
وبالنسبه لابرة البنسلين تقلل الحليب ويمكن الدكتور عطاها ابره اخرى نشفت الديد لكن رش على ديدها ما وسكر وخل الحوار يمزه من ديدها واستمر كذا خله يجلد ديدها اعزلها لحالها معه في شبك صغره وجوع الحوار شوي خلها يدررها باذن خالقها وانشالله تبارك

رد: الفزعة يا أهل البل

الله يجزاك الجنه اخوي تميم
وابشرك بعد الفجر جيتها لقيت قطعة السلى الباقيه طايحه
والله يبارك لنا ولك ولكل مسلم