عندي قعود جاته حرده عقب شل الفزعه

السلام عليكم ورحمة الله وبركاته


اخواني انا عندي قعود حق جاته حرده يقوم يرفع ايده ويحذفها واذا درهم زادت معه

والمشكله جاته عقب ما شالته دنه و عقلو ايد القعود

والقعود ما صارله اسبوع وابي فزعتكم بالقعود الغالي

وكل الشكر للجميع

رد: عندي قعود جاته حرده عقب شل الفزعه

القعود اشبكه واكوه عمود من يمين الركبه ويسارها وانفذه من فوق الركبه ويسلم انشاءالله

رد: عندي قعود جاته حرده عقب شل الفزعه

الله يجزاك خير يا سعد لاكن كيف انفذه من فوق الركبه ما فهمت قصدك

رد: عندي قعود جاته حرده عقب شل الفزعه

مرحباً يأبو جابر والحرده اللي نعرفه مالها علاج تكوي وتتعبه وتراوالك انه أشلا لكن هي هي ماتغير ولايضره بأمر الله من الحرده .

رد: عندي قعود جاته حرده عقب شل الفزعه

صباح الخير .. واحد من الجماعه جاته الحردة في بكرته .. قام وعزلها في شبك ضيق لمدة شهرين.. وقام يعطيها حلبه .. وبعدها فكها مع امهاتها .. وما شاء الله عليها ما ازين من مشيتها .. والحرده راحت ..

رد: عندي قعود جاته حرده عقب شل الفزعه

النفذ طال عمرك تاخذلك ابره فيها خيط وتجي من فوق الركبه تسحب الجلد وتخلي الخيط وحركه من شان يضهر الدم وسلامتك

رد: عندي قعود جاته حرده عقب شل الفزعه

مرحباً اخوي حسين اللي تقصده التفدع او الحرده

رد: عندي قعود جاته حرده عقب شل الفزعه

يا مراحب لا اخوي اقصد الحردة ..

رد: عندي قعود جاته حرده عقب شل الفزعه

الله يجزاكم خير ولا تخلونا يا اخوان نبي شخص مجرب الله يعطيكم العافيه

رد: عندي قعود جاته حرده عقب شل الفزعه

للرفع

رد: عندي قعود جاته حرده عقب شل الفزعه

مساء الخير للجميع
الحرد لا يذكر له علاج لا كوي ولا بيطري
وبكل الأحوال لاضرر ولاتعيقه من شي غير الشديد
والقعود دربه بالقيد وأنسى موضوع الحرد
أتمنى أني قدمة فائده للموضوع
تقبل مروري

رد: عندي قعود جاته حرده عقب شل الفزعه

اخوي محمد القعود ايده اللي يحرد منها توجعع اذا وقف ما يرتكي عليها الحين الحرده ما عندي مشكله منها لاكن ايده توجعه