وش الحل في البعير اللي ياكل نفسه

السلام عليكم ورحمة الله وبركاته

يالربع الفحل عنده اكل نفسه وش الحل معه هل للحاله هذي علاج

علما اني رحت للبيطري وقال هذي حاله نفسيه وبتروح مع الوقت ؟؟؟!

قلت الجأ لكم بعد الله سبحانه لاخذ الشور والعلم من اهل الخبره .

رد: وش الحل في البعير اللي ياكل نفسه

البعير يبغى الفكة وسط البل لا تخليه بروحه ..

والجرح بخه لا تخليه كدا يسبب ديدان بعدين ..

وراجع موضوع أخونا حمود العتيبي على هذا الرابط ..

http://www.mzayan.com/vb/showthread.php?t=54580

أتمنى أني أفتك ..

رد: وش الحل في البعير اللي ياكل نفسه

الله يشفي بعيرك وان شاء الله الرابط فيه الدواء والحل

شكرا يا اخونا معن هزازي على المرور والافاده ونشاطك ملحوظ وجزاك الله خير

رد: وش الحل في البعير اللي ياكل نفسه

بيض الله وجيهكم على الردود والافاده

اسأل الله ان يبارك لنا ولكم ولكل مسلم

رد: وش الحل في البعير اللي ياكل نفسه

بيض الله وجيهكم على الردود والافاده

اسأل الله ان يبارك لنا ولكم ولكل مسلم

رد: وش الحل في البعير اللي ياكل نفسه

الحل هو انك تبلم البعير

بحيث ان البلام مايخلي البعير يفتح ثمه بالقدر اللي يخليه يعض نفسه

ومع مرور الوقت بينسى ذا العادة

رد: وش الحل في البعير اللي ياكل نفسه

كلام هزازي والمري صحيح ط

اربط البعير بين الابل وهده يمشي معها مقيد
وابلمه ولا لثام

رد: وش الحل في البعير اللي ياكل نفسه

الله يجزاكم خير
رحت الصيدليه واخذت ابره حساسيه ومطهر جروح والبخاخ الازرق
وبلمته ببشامه مخروقه بحيث تسمح له بالاكل والشرب دون ان يأكل نفسه
والحمد لله رب العالمين من امس واموره طيبه ولاكن فيه ملاحظه لابد ينتبه لها وهي :-
ان البشامه ماتسمح له بفتح فمه بقوه لذا ننوه بالانتباه اذا هدر البعير وطلعت لهاته من الصعب ارجاعها لابد من ينتبه لهذا الموضوع

وهذي صورة الفحل :-