حليب الخلفه بدون رغوه

السلام عليكم ورحمة الله وبركاته

عندي خلفه وحليبها واجد الا انه من قبل تقريبا شهرين لا حظت الرغوه قلت وفيه فقاعات صغيره تصدر صوت مثل مشروب غازي
عالجتها ب ابو جمل طويل مفعول الهنديه وفيتامينات وبعد 7 ايام من العلاج ماشاء الله رجعت الرغوه وكثر حليبها وبعدها رجعت الحاله لوله ثم قال البيطري كرر العلاج وغير الهنديه بالفرنسيه او الامريكيه ثم 4 ايام وطابت والان رجعت زي اول بدون رغوه كثيفه وصوت غازات في الحليب
ايش الحل يا اخوان

رد: حليب الخلفه بدون رغوه

الحل انك تسوي لها تحليل وتشوف وش فيها ..

رد: حليب الخلفه بدون رغوه

حلل دمها وتأكد لا يكون في ناقتك .. مالطية ..

رد: حليب الخلفه بدون رغوه

مشكورين يا اخوان

تم عمل تحليل الدم والنتيجه سالبه واعطوني علاج للاتهاب حسب وصفي لحاله حليب الخلفه
ومازال الوضع كما هو رغوه تذوب مع الحليب وصوت يشبه فقاعات الغازيات

رد: حليب الخلفه بدون رغوه

مرحبا ياسالم
ناقتك فيها مرض ( السعر ناقتك مسعوره )
وعلاجها بسيط ابره ابو جمل هنديه
وان شاء الله ثامن يوم ولبنها بيرغي
وكرر العلاج ثامن يوم

رد: حليب الخلفه بدون رغوه

النااقة تسرح ( تمشي ) ولا مشبوكة ؟؟



وعطهاا برسيم وخلها تمشي وغير محلهاا ابااعرك


وشف وش يصير معك ،،

رد: حليب الخلفه بدون رغوه

متى سويت التحليل ...بعد كم يوم من اﻻبرة الفرنسية ؟...
وش العلف اللي تعطيه الناقة ؟؟

رد: حليب الخلفه بدون رغوه

فيه أسباب كثيره منها الماء والقاع الوخيمه ونوع العلف ومرض ابو دبه ولقاح الناقه كسوب يقل اللبن ورغوته قليله اوالحلاب مايعرف يحلب وآخرها حلب الناقه في أوقات متقاربة .

رد: حليب الخلفه بدون رغوه

اهلا بالخوان جميع ابشركم اليوم ماشاء الله رغوه وحليب كفووووو بس اصبرو اليومين الجايه للتاكد من صحتها ثم بجيب لكم صور العلاج من الزراعه

وللعلم خلفتين عندي في شبك ومتعوده لها عندي هذا رابع حوار والمراح نظيف وارشه بالجره والمرض بوحدة بس والثانيه صحيحه


عالجتها بالهنديه ثم بعد شهر بالفرنسيه ثم بعدها اكثر من 25 يوم سويت التحليل والنتيجه سلبيه
وعطوني الزراعه علاج للالتهاب وعطيتا كل يوم لمده 3 ايام والان مر 7 ايام اخرها اليوم حلبتها الليله ورغوه كفوووو والصوت اختفى 99%

رد: حليب الخلفه بدون رغوه

برسيم طري الحل