الحوار حيرني و البركه فيكم

السلام عليكم
يا اخوان وش علاج الحوار عمره تقريبا شهرين رضاعته زينه لكن حاله ما هو زين ولا يسمن و رجيله ما هي قويه مشيه ما هو زين و يبرك واجد و يمد رقبته على الارض ما هو متوازن ، حتى الدمن الله يكرمكم شكله غير


http://mzayan.com/up/do.php?id=3284]...do.php?id=3284






مرفق صوره لدمن القعود و فيديو لمشيته

رد: الحوار حيرني و البركه فيكم

القعود هذا فيه رخاوة

اعطيه هـ سيلينيوم بأذن الله يضبط معه

رد: الحوار حيرني و البركه فيكم

اخوي الهاجري
تغير الدمن ينبهك ان فيه مشكله
لكن صعب اني اعرف المشكله لان فيه اسأله كثير تبي اجوبه
لكن اذا تشوف الحوار عنده عدم اتزان ويحرك راسه( يصوغ راسه) أحتمال كبير يكون عنده إلتهاب بالاذن الوسطي وأسباب الالتهاب ممكن طايح بأذنه ماء
وإذا تشوف المشكله بطنه عليك بزيت السمسم
ولازم تنتبه لبعض الامراض اللي مستحيل تصيب الحوار علي شان مايكثر عليك الكلام
الهيام، الطير، الشوكه، السلاق،

رد: الحوار حيرني و البركه فيكم

ودي تفتش الحوار في كل مكان من القردان احتمال كبير ان الحوار فيه قراد

رد: الحوار حيرني و البركه فيكم

مرحبا اخوي محمد والأعراض هذي جات في حوار عند قصيري ولاحظ عنده نفاخ في وسط الرقبه على شكل دواري وكواه ولافاد وعطاه ابر ومقويات ولا فاد وهو اكبر الحيران عمر واصغرهم جرم هذا الكلام اكثر من شهرين والاسبوع هذا صامت الحواره وطايحه على جنبها وباعها أمس وريح وارتاح .

رد: الحوار حيرني و البركه فيكم

السلام عليكم و رحمة الله و بركاته

عندي مثل هذي الحاله و عطيتها (الخيلة) صمغ الانجدان نبات طبي.

في لقمة تمر صغيرة و حجم الخيلة كبر حبة الفول لمدة 3 ايام و الله يعزكم طلع مع الدمن كور حليب يابس ولله الحمد البكره في تحسن مستمر و انصح الكل يعطي حلاله منه ولو كان صاحي

والله يشفي حلالكم و حلال المسلمين و يرزقكم منه كل خير

رد: الحوار حيرني و البركه فيكم

السلام عليكم و رحمة الله و بركاته

عندي مثل هذي الحاله و عطيتها (الخيلة) صمغ الانجدان نبات طبي.

في لقمة تمر صغيرة و حجم الخيلة كبر حبة الفول لمدة 3 ايام و الله يعزكم طلع مع الدمن كور حليب يابس ولله الحمد البكره في تحسن مستمر و انصح الكل يعطي حلاله منه ولو كان صاحي

والله يشفي حلالكم و حلال المسلمين و يرزقكم منه كل خير

الله لا يهينكم جميع
اخوي سيف انا فتشت على صمغ الإندجان في النت لأني اول مرة اسمع فيه و طلع ( الحلتيت ) و حاطين صور معه كأنها صور ( مُــرّة ) فهل الحلتيت هو المرة ؟

رد: الحوار حيرني و البركه فيكم

الله لا يهينكم جميع
اخوي سيف انا فتشت على صمغ الإنجدان في النت لأني اول مرة اسمع فيه و طلع ( الحلتيت ) و حاطين صور معه كأنها صور ( مُــرّة ) فهل الحلتيت هو المرة ؟

انا ما اعرف صمغ الانجدان

لكن الوكاد ان الحلتيت غير المرة

الحلتيت لونه مختلف وريحته تختلف ومفعوله اقوى من المرة

والعطارين كلهم يعرفون الحلتيته ويعرفون المرة

والكاد بعد ا الحلتيته خطيرة على الكبد يعني انتبه للكمية المناسبة

رد: الحوار حيرني و البركه فيكم

الحوار فيه رخاوة وعلاجه كالتالي :
1-حبة نحاس كل اسبوع عن طريق الفم
2-فيتامين B12 أو B-COMPLEX عن طريق الفم
وبالنسبة لتغير شكل الدمن فاحتمال من الدود وعطه ابرة سوبر ايفاوماك تحت الجلد وكررها بعد اسبوعين

رد: الحوار حيرني و البركه فيكم

الله لا يهينكم جميع و هذا تصوير جديد للحوار و اشوف كأنه احسن من اول


استعملت معه حبوب كالسيوم بشرية
هـ سيلينيوم
كور برال
حبوب نحاس

http://youtu.be/NJJycfpR6ag

http://youtu.be/_US9cvsoX_A