البعير ضرب الناقة وهي تشول وقامت وهي تشول !!

السلام عليكم ورحمة الله
حي الله اعضاء المنتدى الرائع بوجودكم
مثل ذكرت بعنوان الموضوع عن شولان الناقة , وش رايكم يا اخواني
هل انتظر عشارها ولا اجيب الدكتور يدخل عليها من العش ........
انتظر ردودكم وبارك الله .

رد: البعير ضرب الناقة وهي تشول وقامت وهي تشول !!

جيب دكتور يدخل عليها لان البعير هو الخبير ومتأكد انه الناقه هذه مهي لقحه ..

رد: البعير ضرب الناقة وهي تشول وقامت وهي تشول !!

لو انها لقحة ما ضربها الفحل .
الناقة عشرا

رد: البعير ضرب الناقة وهي تشول وقامت وهي تشول !!

احيانا الناقة تشاول خوف واذا دحمها البعير هجت

اما اذا شوالها دايم فهي معششة وافضل لك ودها للمستشفى اذا حولك مستشفى

او جب لها طبيب جيد ينظف عنها لانها ما راح تلقح وهي معشش

رد: البعير ضرب الناقة وهي تشول وقامت وهي تشول !!

مثل ناقه عندي اسلبت اول الصيف وتمت تشول وتعبس وعند البعير تبرك . قطعت عنها مانفع. ادخلنا عليها ونظفنا قرنتها ومالقحت . والحين على ضراب لها 13 يوم واشوفها تهدر اليوم

رد: البعير ضرب الناقة وهي تشول وقامت وهي تشول !!

من يعرف العلاج يا شباب ؟

رد: البعير ضرب الناقة وهي تشول وقامت وهي تشول !!

انا اتصحك نصيحه توديها لمستشفى بريده فيها مصري مهو شين حالة عندي ناقه ووديتها يمه وعلمني وش بلاها وقبلي واحد قاله الافضل تبيعها والي قبله طلعت ناقته لقحه واذا لقا فيها عش نضف عنها

رد: البعير ضرب الناقة وهي تشول وقامت وهي تشول !!

جزاك الله خير اخوي طارق

رد: البعير ضرب الناقة وهي تشول وقامت وهي تشول !!

غالبا تكون معشش

ولكن احيان البعير يضرب اللقحة وخااصة اذا كان اول ضراب له ( قعود )

عندي لقحة اضربها البعير وبعد شهرين وولدت ولاضرها ضراابة ولله الحمد