السلام عليكم ورحمة الله وبركاته

السلام عليكم
عندي لقحه ملاقي باقي عليها من الشهر وجاي وتلد
الناقه شاريها قبل شهرين مافيها الا العافيه وقبل اسبوعين اشوفها جايلها حنه مغير تحن وديدها جا فيه مثل الخباش وقلت يمكن انها تولد وبعد كم يوم ماعاد تحن وجا في بطنها نفخ كبر الكف بين سر الناقه وديدها يمين ويسار والناقه حالها طيب بالحيل سنامها كبر الرجاال االجالس واكلها قوي
وش رايكم اعطيها علاج شي والا اخليها لين تلد وضنكم ان بها هيام وهل يعدي ولدها في بطنها وش السواه

رد: السلام عليكم ورحمة الله وبركاته

بالعادة لا صارت الناقة على لقيا تكبر دفعتها (ديدها) ويقولون الناقة ناسل او منسل ويظهر بروز في عروق الحليب ـ اذا هي تاكل طبيعي وعيونها ماتدمع فلا تخاف عليها ـ هي في مرحلة مخاض ومثلها تبدو عليها مثل هذه التغيرات

رد: السلام عليكم ورحمة الله وبركاته

الله يجزاك خير على ردك الطيب الناقه اكلها وحالها طبيعي والحمد لله ولا تدمع عيونها

رد: السلام عليكم ورحمة الله وبركاته

نسميها تقاديم تجي خاصه للبكر الي اول انتاج لها .. ويجي في بعض الابل الي سبق لها الإنتاج

مامنها خوف وتختفي مع الانتاج

رد: السلام عليكم ورحمة الله وبركاته

حالتها طبيعية ولا تعطيها شيء والله يطرح لك البركة

رد: السلام عليكم ورحمة الله وبركاته

اذا الناقة تتجر ولا اسقها لترين ماء فيه مره
المعدة بيت الداء