عااااااااجل للاهميييية

اخواني الاعضاء


عندي نافه لقحه داخله في اللقا حصل لها ورم منذ يقارب الشهر في نحرها ثم انتقل الى اسفل البطن ثم الا عروق الديد ثم اليوم ارتفع

الى اعلى الرقبه اضافة الا انها تغص اثناء الاكل وحالها قام ينقص



وش الحل يا الربع

وينكم يا اهل البل

اخوي مهنا مساك اللة باالخير هذا شي غريب ولا مر علي انصحك تروح للبيطري وتشوف وش الحل وسلامتك

اخوي مهنا مساك اللة باالخير هذا شي غريب ولا مر علي انصحك تروح للبيطري وتشوف وش الحل وسلامتك

حياك الله اخوي خالد


وشاكر لك حضورك ونصيحتك


تقديري

يامهنا هذي أتوقع أعراض مرض أبو المناحر أو مايسمى بأبو جريجير والظاهر إنه مرحله متقدمه من مرض الهيام على مايقولون وننتظر الأخوان بالرد عليك والأفضل إنك تاخذ دكتور بيطري بأسرع وقت لأنها ماتحتمل الإنتظار والله يعينك..

[QUOTE=خالد الحجي;55054]يامهنا هذي أتوقع أعراض مرض أبو المناحر أو مايسمى بأبو جريجير والظاهر إنه مرحله متقدمه من مرض الهيام على مايقولون وننتظر الأخوان بالرد عليك والأفضل إنك تاخذ دكتور بيطري بأسرع وقت لأنها ماتحتمل الإنتظار والله يعينك..[/
QUOTE]

الاخ خالد


مشكور على الحضو ر وابداء المشورة بارك الله فيك

وامس جاني شااااااااايب من الجماعه عند البل وقال هذه يسمى ابو سحار

وتراها خطير بالحيل على الناقة ولا له علااااج


الا إذا جا مطر وبعده جا ندى واكلت الناقة من الرعي في الصبح


وقلت الله يجيب المطر ويغيث بلاد المسلمين

هذا ابو جريجير

وعلاجه علاج الهيام وافضل شي

الابرة الفرنسية وكررها بعد اربعة اشهر او حسب استشارة البيطري

واعزل الناقة من البل لانه معدي وقاتل

نفس الأعراض صارت عندي بناقة خلفة العام طلع الورم في نحرها على جنب الزور والديد وصارت الناقة ماتقوم ثم كويناها وقامت لكنها ماتعافت وراح شحمها خلال اسبوعين سبحان الله المهم اني جبت البيطري لها واعطاها ابرة الهيام مع دواء اخر نسيته ، والحمد لله الناقه تعافت على طول وزانت حالها ...

هذا مايسمى ابودبه او ابو المناحر واسماه كثيره
وعلاجه كما اسلف الاخ مسعود ابر الهيام وعزل الحوار من امه بعد الولاده وللاسف بعض الحالات لاتستجيب للعلاج

هذا ابو جريجير

وعلاجه علاج الهيام وافضل شي

الابرة الفرنسية وكررها بعد اربعة اشهر او حسب استشارة البيطري

واعزل الناقة من البل لانه معدي وقاتل

نفس الأعراض صارت عندي بناقة خلفة العام طلع الورم في نحرها على جنب الزور والديد وصارت الناقة ماتقوم ثم كويناها وقامت لكنها ماتعافت وراح شحمها خلال اسبوعين سبحان الله المهم اني جبت البيطري لها واعطاها ابرة الهيام مع دواء اخر نسيته ، والحمد لله الناقه تعافت على طول وزانت حالها ...

هذا مايسمى ابودبه او ابو المناحر واسماه كثيره
وعلاجه كما اسلف الاخ مسعود ابر الهيام وعزل الحوار من امه بعد الولاده وللاسف بعض الحالات لاتستجيب للعلاج

ايها الاخوة الكرام


اشكركم جزيل الشكر على الحضور وعلى ابداء النصائح التي سوف اعمل بها ان شاء الله.

اللهم بارك لهم في اولادهم ومالهم وحلالهم


تقديري لكم جميعاً